Yesu ˗dho ˗gblü bho ˈˈshia˗

˗Dhɛ ˈö Yesu ˈö kun ˈˈsɛ ˗ta ˗yö ˗dhɔ ꞊dede ˗zɔn mɛn ˗nu ˗dhɛ. ˗Dhɛ ˈö ˗kë ꞊dhɛ mɛn ˗nu ˗dhɔ ˗kun ˗a kë ˗ni ˈgü ꞊dedewo bhë, ˗yö ö ˗bha ˗tosɛta ˗nu ˗an ˗wɔn ˈgü. (Matiö 20:28; Zan 15:13) ˗A ˈˈtʋ̈ŋ ˗ya ˈto ˈˈtɩtɩ kö ˗ya ˗zɔn ˈzü ꞊dhɛ mɛnbhɩɩdhe ˗nu ˗dhɔ ˗ya ˗kë. ˗A ˗bha ˗kë ˗Zlan ˗bha ˗Gblüdëdhɛ ˗Gɔdhiʋ̈mɛn ˈka ˗sü ˗wɔn ˈgü, ˗yö ˗dho bɔ ˗kɔmɔnwɔnbhasü ˈö˗ ˗gɔ ˗a ˗ta ˈö «˗gblü ɲën ˈˈsɛ ˗todhʋ̈sü ˗ta.»—Psaume 46:9.

˗Kɔ ˈö Biblö ˗yö pë ˈö Yesu ˗dho ˗a kë ˗a ˗wɔn ꞊blɛɛ ˗a ˈka, ˗bhö ˗a ˗ga:

• «ˈˈFlɛɛmɛn ˈö ˗takundhe ˗dhɛ ˗ni ˈgü ˈˈgbʋ ˈka, ˗wëëmɛn waa ˈmɛn ˈö˗ ˗takunmɛn ˈyaa ˈdhö, ˗yö ˗dho ˗an dha. ˈNën ˈˈtɩtɩ waa ˈˈflɛɛmɛn ˗nu ˗wëë ˗dho ˗a kë, ˈö ˈˈflɛɛmɛn ˗nu dha. ˗Yö ˗dho ˗an dha ˈˈklʋʋbhɔdhe waa ˈˈvaanvandhɛ ˗an ˗gɔ.»—Psaume 72:12-14.

Kwa ˗dho Yesu ˈˈnuɛ bho ˗kɔ ˗kë ꞊dhɛ ˈwɔn ˗së ˈö˗ ˗kë kwa ˗dhɛ waa˗ ˗dhɛ ˈö ˗dho ˗a kë kwa ˗dhɛ ˗an ˗wɔn ˈgü? ˗A ˈˈnuɛ bho ˗kɔ do ˈnën ˗tɔ ˗Zlan ˗bha nɔɔnwo ˈö˗ dɔ, ˈö ˗kë «nɔɔn˗ ˗së ˈö ˗gban ˗Zlan ˗bha ˗Gblüdëdhɛ ˗bha» ˈka bhë, kwa ˈˈtʋ ˗to ˗a ˗bha ˗sü ˈö ˈˈtʋ̈ŋ ꞊gban ˈka. (Lukö 4:43) ˗Bhö ˈwɔn ˗gɔ « Qu’est-ce que le royaume de Dieu ? » ˗wo pö.