ˈWɔn yaa kë ˗sü ˗bha ˗dadhiʋ̈ ˗sü ˈö ˈˈkpɔnŋ ꞊taa: ˈMën Biblö ˗ya pö?

ˈWɔnyaakëmɛn ˗nu kpökpö ꞊va ˗wa Aiti ˗dhɛ pa. Mɛn zë ˗sü ˗nu ˗wo saanˈˈ ˗wɔ ˗ni ˈgü mɛn ˗nu ˈwo Aflikö di Sidö, Mɛsikö waa ꞊mlɛɛnkɛn ˗sɛ ˗nu ˈgü, ˗an ˗ta. Mɛn ˗nu ˗wa ˗pö ꞊dhɛ ˗dhɛ ˗de ˗ʒian ˈö ˈˈvaanvandhɛ fiëë˗ ˗ya kë˗ ˗bha, ˈˈsuʋ̈ ˗yö mɛn ˗nu ˈgü mü, ˈö zuʋ̈dhiʋ̈tɛɛ ˈdhö ˗an ˗bha.

˗Mën ˈö Biblö ˗ya pö ˈö ˗gban ˈwɔn yaa ˈö kë ˗ni ˈgü ˈˈkpɔnŋ ꞊taa, ˗a ˗bha?

Pë ˈö Biblö ˗ya to ˈˈdhiʋ̈ ˈö˗ ꞊blɛɛ ˈö ˗gban ˈwɔn yaa kë ˗sü ˗bha

Biblö ˗ya ˗to ˈˈdhiʋ̈ ˈö˗ pö ꞊dhɛ ˈwɔn yaa kë ˗sü ˗dho kë «ˈˈkpɔnŋtaadhɛ ɲën ˈˈtʋ̈ŋ» ˈsuan˗ ˗bho ˗a ˗bha ˗pë do ˈka. (Matiö 24:3) ˗Dhɛ ˈö Yesu kun ˈwɔn ˗nu ˈwo dho kë ˈˈkpɔnŋtaadhɛ ɲën ˈˈtʋ̈ŋ ˈgü ˗an ˈgü ˈˈpʋ ˗ni ˈgü, ˗ya ˗pö:

• «ˈWɔn yaa kë ˗sü ˗dho ˗dadhiʋ̈ ꞊gbɔɔnsü, ˗a ˗wɔn ˈgü ˗dhɔ ˈö mɛn ꞊vadhɛ ˈgü ˗yö ˗dho ˈdho ˈˈshiaa.»—Matiö 24:12.

Biblö ˗ya ˗to ˈˈdhiʋ̈ ˈzü ˈö˗ pö ꞊dhɛ «ˈˈkpʋngtaadhɛ yën ˈˈtʋ̈ng ˈgü» mɛn ˗nu ˗kɔ ˈyii ˈdho ꞊mɔɔn wo ˗de ꞊sɔŋ ˗bha, ˗a ˗nu ˈˈgblü˗ ˗dho kë ˈya˗, ˈö ˈwɔnsëkëmɛn ˗nu ˗san ˗ya ˗nu ˗kë.» (2 Timote 3:1-5). Mɛn ˗nu ˗bha ˗zota wo ˗de ˗wɔn ˈgü ˗sü ˗ya ˗kë ˈpö ˈö ˈwɔn yaa kë ˗sü ˗yö ˗dadhiʋ̈ ꞊dɛɛ.

ˈˈKɛɛ ˈpë ˗kë ˈö ˈkwa dho kwa ˗zoyö ˗dhɛkpaɔ dhiʋ̈ˈˈ ˗së ˗dhɛ, ˗a ˗gɛn ˗yö ˗dhö. Biblö ˗ya ˗pö ꞊dhɛ ˗Zlan ˗dho ˈwɔn yaa kë ˗sü bho ˈˈshia˗ ˈpapadhö.

• «˗A ˈˈtʋ̈ŋ ꞊ya ˈto ꞊klöö˗ kö ˈwɔnyaakëmɛn ˗nu ˈwaa ˈdhö ˈzüdɔ, ü ˗dho ˗dhɛ ˗ga ˗dhɛ ˈwo˗ ˗bha ˗be ˗a ˈgü kö ˈwaa mü ˈzüdɔ. ˈˈKɛɛ ˗de ˗kë ˈˈtɩtɩmɛn ˗nu ˈnën ˈwo ˗dho ˈto ˈˈsɛ ˗ta, ˈö ˈwo ˗yadeflëëgüsü ꞊dede din yö.»—Psaume 37:10, 11.

˗Bhö pë ˈö Biblö ˗ya pö ˈö ˗gban ˗dhɛkpaɔ dhiʋ̈ˈˈ ˗së waa ˈpë ˗kë ˈö dho ga ü ˈgü ꞊dhɛ ˈwɔn ˗nu ˈwo kë ˗ni ˈgü ꞊dɛɛ, Biblö ˗yö ˗an to ˈˈdhiʋ̈ ˈö ˗an ꞊blɛɛ ˗an ˗bha, ˗a ˈbha ˗ga. ˗Bhö ˈwɔn ˗gɔ ˗nu ˈö ˈwo yö ˗an ˗wo pö.

« Une espérance réelle pour des jours meilleurs »

« Quel est le signe des « derniers jours », ou ‹ temps de la fin › ? »

« La Bible a-t-elle prédit la mentalité et la conduite des gens de notre époque ? »