˗Tɛɛdhooʒiaanplɛ, Ʒue 16
[Zoova] ˗yö ˈˈyaakimɛ ˗nu ˈwɔn ˗zun ˈko ˈˈdhiʋ̈ kë ˗kɔ ˗dɔ, ˗ya ˈwɔn ˗dɔ ꞊dhɛ ˗a ˈbha ˗zun ˈˈdhiʋ̈ ˗bhlɔɔ ˈyaa ˈdhö.—1 Ko. 3:20.
Kwa dua -mü kö ˈkwa ˈˈkan mɛnbhɩɩdhe ˗nu ˗bha ˈwɔn yö ˗kɔ ˗bha. Kwa ˈwɔn yö ˗kɔ ˗nu ˗wa kë ꞊dhɛ mɛnbhɩɩdhe ˗nu ˗bha ˈdhö, kwa ˗zo ˗dho bhɔ Zoova waa ö ˗bha ˈtɔŋ˗ ˗nu ˗an ˈka. (1 Ko. 3:19) «꞊Kpɔɔdhɛ ˈö ˈˈkpɔnŋ ꞊taa yö» ˗yö mɛn ˗nu ˗blü kö ˗wo ˗Zlan ˗bha ˈtɔŋ˗ ˗nu ˗lögü. Kletiɛn ˈbha ˗nu ˈwo kun Pɛɛgamö waa Tiatii ˗pö ˈgü, ˗wo ˗kun ˈto ˗ni ˈgü ˈwo këyɔɔ ˗nu ˗bha ˈˈɲangüyaa waa ˗an ˗bha ꞊geebɔ gba ˗sü ˈˈpiʋ̈. Yesu ˗yö ˗dhioo ˗dɔ ˗an ˗ta ˈö˗ pö ꞊dhɛ ˗an dua ˈyaa ˗mü kö ˗wo wo ˈˈɲan ta mɛn ˗nu ˗bha ˈˈɲangüyaakësü ˗zü. (˗Dhɛ. 2:14, 20) ꞊Dɛɛ, kwa këyɔɔ ˗nu ˗wa ˈˈpiʋ̈ ˈpö kö ˈwɔn yö ˗kɔ yaa ˗nu ˈwo bhë, ˗wo kë kwa ˗gɔ. Kwa ˗bha ˈkɔdhigümɛn ˗nu waa kwa dɔmɛn ˗nu ˗wo ꞊mɔɔn˗ ˗bha ˈwo˗ pö ꞊dhɛ kwa ˗bha ˈtɔŋ˗ ˗nu ˗wo ˈˈgbɩɩ˗, kë ˈˈdhʋ̈ kö ˈwo kwa ˗blü Zoova ˗bha ˈtɔŋ˗ ˗nu ˗lögü ˗sü ˗bha. ˗Wo ꞊mɔɔn˗ ˗bha ˈwo˗ pö ꞊dhɛ ö ˗de ˗kun ˈˈɲangüyaa ˗gɔ ˗sü ˈyaa ˗së ɛɛnˈˈ Biblö ˗bha ˈtɔŋ˗ ˗nu ˈˈtʋ̈ŋ ˗ya ʒiö. ˈˈTʋ̈ŋ ˈbha ˗nu ˈka, ˗yö ꞊mɔɔn˗ ˗bha ˈö ˗kë kwa ˈgü ꞊dhɛ ˈpë Zoova ˗bha ˗dhioo ˈbha ˗nu ˈwaa ˗së ˗a ˈdhö. Kwa ꞊mɔɔn˗ ˗bha ˗ʒiaanwo ˈkwa ‹˗ziö ˗wʋ ˈö ˗bɛn zë ˗sü ˈka [˗Zlan] ˗bha ˈsëëdhɛ ˈgü, ˗a ˗ta.›—1 Ko. 4:6. w23.07 16 § 10-11.
ˈˈMaandhoowayi, Ʒue 17
Mɛn ˈˈtɔŋdë ꞊dede ˈö bhë, mɛn ˗dhɔ ˗ya ˗kë ˈˈtʋ̈ŋ ꞊gban ˈka. Mɛn ꞊dhegblü ˈö bhɔ kö ˗yö mɛn ˗takun ˈˈtʋ̈ŋ ˈˈgbɩɩ˗ ˗nu ˈgü, yö ˗mü.—Prov. 17:17.
Madhi ˈö kun Yesu dhö ˈka bhë, ˗a ˗bhawɔn ˗kun ˈgüdɔgbɩɩsü ˗bha. ˈYaa kun gwaan˗, ˈˈkɛɛ ˗yö ˈgwü ˗sü. Madhi ˈti ˈnën ˗to do ö ˗bha ˗tosɛta ˈgü ˈˈdhiʋ̈ ˗be. ˈˈKɛɛ ˗a dua ˗mü kö ˗yö ö ˗zokë ˈnën ˈö dho kë Mesi ˈka ˗a ˈˈpiʋ̈. ˈDhɛ ˗kë ꞊dhɛ Madhi ˈyaa gɔɔn˗ ˗wɔn dɔ, ˗yö ˗dho ˗a blɛɛˈˈ Zozɛfö ˗dhɛ ˗kɔ ˗kë ꞊dhɛ? (Dhu. 1:26-33) Madhi ˗yö ˗takundhe ˗slɔɔ ˈˈmɛn? ˗A ˈwɔnzuan ˈnën ˗tɔ ˗ya ˗pö Gabliɛ ˗dhɛ ꞊dhɛ ˈwɔn ˈbha ˗nu ˈwo ˗gban ö ˗bha yö ˈö bhë ˗a ˗bha ˗ya pö ö ˗dhɛ. (Dhu. 1:34) ˈDhɛ ˈˈtʋ̈ŋ ˈbha ˗yö ˗ʒiö, Madhi ˗yö ˗dho Zuda ˗pö do ˈö ˗ya ˗sü ˈka «˗tɔn ˗gbeng ˈgü» ˗a ˈgü kö ˈö ˗wo Dhizabɛtö ˗dhɛ. Dhizabɛtö ˗yö Madhi ˈˈnuɛ ˗bho, ˈö Zoova ˗yö ˗bɔ ˗a ˗ta kö ˈwɔn ˈö dho kë ˗dhɛkpaɔ dhiʋ̈ˈˈ ˈgü ˈö ˗gban ˈnën gɔɔn˗ ˈö dho bhɔ bhë ˗a ˗bha, ˗a blɛɛ Madhi ˗dhɛ. (Dhu. 1:39-45) Madhi ˗ya ˗pö ꞊dhɛ Zoova «꞊në ˈwɔn ˈˈgblʋ̈gblʋ̈ ˗nu ˗kë ö ˗kɔ ˈka.» (Dhu. 1:46-51) Zoova ˗yö ˗bɔ Gabliɛ waa Dhizabɛtö ˗an ˗ta kö ˈö Madhi ˈgü kë ˈˈgbɩɩ. w23.10 14-15 § 10-12.
ˈˈMaandhooyi, Ʒue 18
˗Yö kwa ˗kë ö ˗bha ˗gblüdëdhɛ ˈgü ˗mɛ ˗nu ˈka, ˈö kwa ˗kë ö Dë ˗bha ˈˈsaabhomɛ ˈka.—˗Dhɛ. 1:6.
˗Zuu ˈˈslʋ̈ʋ̈slʋ̈ ˗yö ˗nu Yesu ˗bha gwëëˈˈ ˈbha ˗nu ˗ta ˈwo ˗kë ˈˈɲɔn ˗a ꞊troo ˗nu ˈka, ˈö ˗mlɛɛn ˗detasü ˗da waa Zoova ˗nu ˗an ꞊zinŋgü. Mɛn ˗nu ˈwo ˈˈdhʋ̈ ˗wo 144.000. Waa Yesu ˗nu ˗wo ˗dho kë ˈˈsaabhomɛn ˗nu ˈka dhaŋ˗ ˈgü. (˗Dhɛ. 14:1) ˗Zlan ˗dhɔkë ˗a ˈgü sɔ ˈkɔ ˗dhɛ ˈˈslʋ̈ʋ̈slʋ̈ ˈnën ˗tɔ ˗an ˗bha ˗kë ˗Zlan gbö ˗nu ˈka ˗sü kö ˗wo kun ˈˈkpɔnŋ ꞊taa yö. (Wlɔ. 8:15-17) ˗A ˗dhɛ ˈö ˈˈslʋ̈ʋ̈slʋ̈ ꞊dedewo ˈnën ˗tɔ ˈpö dhaŋgüdhɛ ˈö Zoova ˗yɛɛbhaadhɛ ˈka. «Sɔ ˈˈpɛn ꞊gblɛɛn» ˈö ˗dhɛ ˈˈslʋ̈ʋ̈slʋ̈ waa ˗dhɛ ˈö ˈˈslʋ̈ʋ̈slʋ̈ ꞊dedewo ˗an ˈˈpɛkoo bhë ˈnën ˗tɔ Yesu kwi. Yesu ˗ya ˈto mɛnbhɩɩdhe ˗kwi ˈgü, ˈyaa ꞊mɔɔn˗ ˗bha kö ˗yö ˈdho dhaŋ˗ ˈgü ˗yö kë ˈˈSaabhomɛn ˈKpii˗ ˈka ˗zlandhɔkëgükɔ ˈkpii˗ ˗dɛɛ ˈgü. ˈˈKɛɛ ˈdhɛ Yesu ˗yö ö kwi ˗nu ˈˈsaa˗ ˈka kwa ˗wɔn ˈgü, ˈyö dhaŋgüdhɛ ˈˈdhi ˗pʋ ˈˈɲɔn ˗a ꞊troo ˗nu ˗gɔ. ˗An dua ˗mü ˈpö kö ˗wo wo mɛnbhɩɩdhe ˗kwi ˈto kö ˗wo ꞊kun ˈdho dhaŋ˗ ˈgü.—Ebl. 10:19, 20; 1 Ko. 15:50. w23.10 28 § 13.