Balaamö ˗bha ꞊sofaŋ ˗yö dhiaŋzë ˗ni ˈgü

˗A ˗kwɛ 40 ˗naan ꞊nɛn ˈö Izraɛdhömɛn ˗nu ˈwo ˈˈyɛɛta. ˗An ˗kɔ ˗ya ʒiö ˈˈkwipö ˈˈgblʋ̈gblʋ̈ ˗nu ˗gɔ. ˗Wa wo ˗bha ꞊kanŋ ˗ya Moabö, Zuudɛn ga ˈˈdhuŋ ˗ʒiaan ˈka. ˗A ˈˈtʋ̈ŋ ˗ya ˗wo kö ˈwo ˗da ˈˈsɛ ˈö ˗Zlan ˗ya ˈˈplüün bho ˗an ˗dhɛ bhë ˗a ˈgü. ˈˈSuʋ̈ ˗yö Balakö ˈö ˗kë Moabö ˗gblüdë ˈka bhë ˗a ˈgü ˈö sü ꞊dhɛ ˈyaa˗ ˈˈpiʋ̈ kö ˗wa ˗bha ˈˈsɛ ˈkun ˗a ˗gɔ. ˗Yö gɔndë do ˈwo˗ ˗dhɛ Balaamö ˗a ˗dhɛ Moabö kö ˗yö ˈˈdhaŋ ˗ya Izraɛdhömɛn ˗nu ˗bha.

ˈˈKɛɛ ˈyö Zoova ˗ya pö Balaamö ˗dhɛ: ‹Ü dua ˈyaa ˗mü kö ˈü ˈˈdhaŋ ˗ya ˗an ˗bha.› ˈYö Balaamö ˗yö ˗kɔ ˈdho ˗sü ˗bha. ˈÖ Balakö ˗ya ˗dhɛ ˈzü ˈö˗ pö ˗a ˗dhɛ ꞊dhɛ pë ˈˈpɛpɛ ˈö˗ ˈˈpiʋ̈ ö dho ˗a nu ˗a ˗dhɛ. ˈYö Balaamö ˗yö ˗kɔ ˈzü. ˈÖ ˗Zlan ˗ya pö ˗a ˗dhɛ: ‹Ü ꞊mɔɔn˗ ˗bha ˈü ˈdho, ˈˈkɛɛ pë ˈa dho ˗a pö ü ˗dhɛ ˈyö ˈü dho ˗a pö.›

Balaamö ˗yö ˗ya ö ˗bha ꞊soofëŋ ˗ta ˈö dho Moabö ˈˈshia˗ ˗ʒiaan ˈka. ˈKö ˗kë ꞊dhɛ Zoova ˗ya ˗pö ˗a ˗dhɛ ˈyaa ˈdho ˈˈdhaŋ ˗ya Izraɛdhömɛn ˗nu ˗bha, ˗yö ˗kun ˗a ˈˈpiʋ̈ kö ˈö˗ kë. ˈYö Zoova ˗bha ˈˈkië ˗yö ö ˗de ˗zɔn ˗a ˗dhɛ ˗gɛnɲan ˈka ˗yaaga ʒiaan ˗ta. Balaamö ˈyaa kun ˗kpan ˗ni ˈgü ˗a ˗bha, ˈˈkɛɛ ˗a ˗bha ꞊soofëŋ ˗zë ˗kun ˗a yö ˗ni ˈgü. ˗A zübhodhɛ ˈgü, ꞊soofëŋ bhë ˗yö ˗go ʒian ˗ta ˈö ˗sɔ ˈˈblü, ˈgo mü ˈö˗ ˗gɛn ꞊nënŋ ˈkɔ ˈˈkplʋʋ ˈö ˗gwë ˈka bhë ˗a ˗bha. ˗A ˈˈdhiʋ̈tadhɛ ˈgü, ꞊soofëŋ ˈö bhë ˗yö ˗wɔ ʒian ꞊zinŋgü, ˈyö Balaamö ˗yö ˗ya ˗a man ˗sü ˗bha ˈˈdhü ˈˈkpla ˈka.

˗A ˗man ˗kɔ ˗yaaga ˗naan ˈö˗ wo ꞊taabha, Zoova ˗ya ˗kë ˈö ꞊soofëŋ ˗yö dhiaŋ ze Balaamö ˗dhɛ ˈö˗ pö: ‹ˈMën ˗kë ˈü n ˗man ˈˈdhʋ̈?› ˈÖ Balaamö ˗ya pö: ‹Ü n ˗sü ꞊dhɛ ˈˈwlaamɛn ˈdhö ˗ee? ˗Dhaa ˗yö ˗kë n ˗gɔ yö ˗be, kö ˈman ü zë.› ˈYö ꞊soofëŋ ˗ya pö: ‹˗Ya ˈü˗ wo n ˗taa ˗kwɛ ꞊va ˈˈpiʋ̈ bhë, ˈman ˈwɔn suu ˈö ˈˈdhʋ̈ ˗a kë ü ˈka do ˗ee?›

Zoova ˗ya ˗kë ˈö Balaamö ˗yö ˗kpan ˈˈkië ˈö bhë ˗a ˗bha. ˈYö ˈˈkië bhë ˈö˗ pö ˗a ˗dhɛ: ‹Zoova yö ˈti˗ pö ü ˗dhɛ ˈbhaa ˈdhö ˈˈdhaŋ ˗ya Izraɛdhömɛn ˗nu ˗bha ˗ee?› ˈYö Balaamö ˗ya pö: ‹ˈMan ˈwɔn yaa ˗kë. A dho n yɛɛkë ˈa dho n ꞊plöö.› ˈÖ ˈˈkië bhë ˈö˗ pö ˗a ˗dhɛ: ‹Ü ꞊mɔɔn˗ ˗bha ˈü ü yɛɛkë Moabö, ˈˈkɛɛ pë ˈö Zoova ˗ya pö ü ˗dhɛ, ˈnën˗ ˈü dho ˗a pö.›

Balaamö ˗yö ˈwɔn ˗man ˗Zlan ˗ta ꞊dedewo ˗ee? ˗Abin! ˈDhɛ ˈgo mü, Balaamö ˗ya ˈgüdan ˗gɛnɲan ˈka ˗yaaga kö ˈö ˈˈdhaŋ ˗ya Izraɛdhömɛn ˗nu ˗bha. ˈˈKɛɛ Zoova ˗ya ˗kë ˈö˗ ꞊gban ˗kë ˈdhuëë˗ ˈka Izraɛdhömɛn ˗nu ˗bha ˈka. ˗A ˈˈdhiʋ̈tadhɛ ˈgü, Izraɛdhömɛn ˗nu ˗wo ˗dho Moabö ˗mɛn ˗nu ˗gɔ. ˈYö Balaamö ˗gɔ ˗yö to˗ ˈgü. Balaamö dua ˈyaa ˗mü ˗be kö ˗yö ˈwɔn man Zoova ˗ta ˗ee?