N dua ˗mü ˈa bhɛɛˈˈ mɛn ˈˈslʋ̈ʋ̈slʋ̈ ˗nu ꞊dhɛ ˗ee?

Biblö ˗ya ˗pö

˗Abin. Biblö ˗ya ˗zɔn ꞊dhɛ ˗Zlan dosɛnŋ ˈnën kwa dua ˈdhö ˗mü ˈkwa bhɛɛˈˈ ˗a ˗dhɛ Yesu ˈtɔ ˈgü. Yesu ˗ya ˗pö ö ˗bha gwëëˈˈ ˗nu ˗dhɛ: ‹ˈKa bhɛɛˈˈ ˗kaa pö: ˈYi Dë ˈi ˗ya ˗sü ˈka dhaŋ˗ ˈgü, i ˈtɔ ˗yö bhɔ.› (Matiö 6:9). Yö ˈti˗ pö ˈö ˗bha gwëëˈˈ ˗nu ˗dhɛ toŋtoŋdhö ꞊dhɛ ˗wo bhɛɛˈˈ mɛn ˈˈslʋ̈ʋ̈slʋ̈, ˈˈkiö ˗nu ɛɛnˈˈ mɛn ˈˈoo ˗mɛn ˗dhɛ kö yö ˈti kë ˗Zlan ˈka.

Yesu ˗ya ˗pö ö ˗bha gwëëˈˈ ˗nu ˗dhɛ ˈzü: ‹Ma ꞊në ˈa zian ˈö dho ˗Zlan ˈˈpiʋ̈ ˗a ˈka, ma ꞊në ˈwo n ˗dhɛ tɛanwɔn. Mɛ ˈbha ˈyaa ˈdho n Dë ˗dhɛ ˈgü kö ˈyii zun ma ˗zë n ˗bha.› (Zan 14:6) Yesu dosɛnŋ ˈnën ˗Zlan ˗yö ˗wɩ ˗a ˗bha kö ˗yö kwa ˈˈdhiʋ̈ ˗bhɛɛ wo.​—Eblö 7:25.

ˈMan bhɛɛˈˈ ˗Zlan ˗dhɛ, ˈman ˈdho ˈzü ˈman bhɛɛˈˈ mɛn ˈˈslʋ̈ʋ̈slʋ̈ ˗nu ˗dhɛ, ˗yö ˈyaa˗ ˗ee?

ˈDhɛ Dügɔmɛn ˗yö Yesu ˈgüdan, Yesu ˗ya ˗pö ˗a ˗dhɛ: ‹˗Yö ˗bɛn zë ˗sü ˈka ˗Zlan ˗bha ˈsëëdhɛ ˈgü ꞊dhɛ: I ˗dho i Dëmɛ, i ˗bha ˗Zlan yöö do ꞊në˗ ˗dhɔkë, ˈbhii ˈdho pë ˈˈwɛɛ ˈbha ˗dhɔkë yö ˗zë zian ˈgü.› (Matiö 4:10) ˗Zlan ˗ya ˈˈpiʋ̈ kö ˈkwa yöö dosɛnŋ ö ˗dhɔkë, kö ˈkwa bhɛɛˈˈ ö ˗dhɛ.​—Isaïe 48:11.

Kö ˈkwa ˗Zlan ˈto ˈkwa bhɛɛˈˈ mɛn ˈˈslʋ̈ʋ̈slʋ̈ ɛɛn ˈˈkiö ˗nu ˗dhɛ, kö ˈkwa ˗da ˗Zlan ˈˈdhiʋ̈. ˈDhɛ bɔmɛn Zan ˗ya ˗kë kö ˈö ˈˈkiö do ˈbha ˗dhɔkë, ˗a ˈˈkiö ˗to ˗mü ˈö˗ pö ˗a ˗dhɛ: «I ˗dɩ ˈkun! ˗A ˗gɛn ˗mü ꞊dhɛ bhi ˈdhö, ma ˈdhö, mɛ ˈˈpɛpɛ ˈwo i dheebhang ˗nu ˈka ˈwo ˈdhang bho tɛanwɔn ˈö Yesu Klisi ˗ya pö bha˗ ˈˈdhiʋ̈ bha˗ ˗nu ˈdhö, mɛ ꞊gban kwa ˗Zlan ꞊në˗ ˗dhɔ kë!».​—​˗Dhɛkpaɔ dhiaˈˈ ˈsëëdhɛ 19:10.