‹˗Yö n ˗zokun!›

1. ˗Dhɔ ꞊dede ˈnën Yesu ˗ya ˗zɔn,

ˈYö go dhaŋ˗ ˈgü ˈö nu ˈˈkpɔnŋ ꞊taa.

˗Dhɛ ˈö kun ˈˈsɛ ˗ta yö,

˗Yö mɛn ˗nu ˗zo ˗gban,

ˈÖ ˗an ˗takun ˈwɔn ˈˈgbɩɩ˗ ˗nu ˈgü.

˗Yö mɛn suu ˈsaadhö zuʋ̈ˈˈ ˗kë ˗saa,

ˈÖ ˈpë ˈwo˗ ˈˈpiʋ̈ ˗a ˗kë ˗an ˗dhɛ.

Mɛn ˗nu ˈwo ꞊ɲɔɔn ˗a ˗bha kö ˗yö wo dha,

˗Ya ˗pö ˗an ˗dhɛ: ‹˗Yö n ˗zokun!›

2. ˗Kwa ˗klu Yesu ˗bha ˈwɔnzuan ˗bha,

Kö ˈkwa ˈˈgblüsë kë mɛn ꞊gban ˈka.

˗Kwa ˗zlanwopö ˗an ˗dhɛ,

Kö ˗an zuʋ̈ˈˈ kë ˗saa,

Kö ˗zoyödhe kë ˗an ˗gɔ ˈpö.

˗Kwa kwa ˗kɔ ˈˈpʋ mɛn ˈsaadhö ˗gɔ,

Kö ꞊gɛandhe waa ˈˈyenanmɛn ˗nu

˗Wa ˗takundhe ˗dhɛ kwa ˗gɔ yi ꞊gban ˈka,

ˈKwa˗ pö ˗an ˗dhɛ: ‹˗Yö n ˗zokun!›