˗Kwa ˗dhɔ draanˈˈ

1. ˗Kwa bhɛɛˈˈ kwa Dë ˗Zlan ˗dhɛ ˈˈtʋ̈ŋ ˈˈplɛ ˈka,

Kö ˈkwa˗ ˗bha ˈˈklʋʋsë ˗nu ˗dhɛ ˗a ˗gɔ.

˗Dhɔ ˈnën ˗tɔ ˈˈklʋʋsë ˗nu bhë ˗an ˈkpii˗.

˗A ˗bha ˗zuu ˈnën ˗dhɔ ˗da kwa zuʋ̈ˈˈ ˈgü.

Kwa ˗kë ˗gleŋmɛn ˈka, kwa ꞊faan ˗kë ꞊va,

˗Dhɔ ˈyaa kwa ˈgü kö kwa ꞊bhlëë ˈyaa ˈdhö.

Mɛn ˗dhɔ ˗yö kwa kë kwa zuʋ̈ˈˈ ꞊gban ˈka,

Kö ˈkwa bhɔ kwa Dë Zoova ˗Zlan ˗bha.

2. ˈMɛn ˗dhɔ ˈdhö˗ ˈgü ˈyaa ö ˗de ˈsü ꞊va.

˗A ˈˈgblü ˗yö ˗së, ˈyaa mɛn ˗nu zë ˈgü.

˗A ˗mɛn ˈyaa ˈwɔn yaa ˈˈyoo bho mɛn ˗gɔ,

ˈˈKɛɛ ˗yö mɛn ˗bhawɔn ˗to zuʋ̈ˈˈ ˈˈpuu ˈka.

˗Dhɔ mɛn ˗takun, ˗yö mɛn zuʋ̈ˈˈ ˗kë ˗saa,

˗Yö mɛn ˗kë ˗dhikodhɛ kë ˗mɛn ˈka.

˗Dhɔ ˈnën mɛn ˗kë ˈwɔnsëkëmɛn ˈka.

˗Dhɔ ˗dho ˈto ˈˈkpɔnŋ ꞊taa ˈˈtʋ̈ŋ ˈsaadhö ˈka.