˗Kwa kwa ˈko ˗nu ꞊faan ˈmën ˗bhɔkwëë ˗nu ˗ta

1. ˈˈKpɔnŋtaadhɛ ˈö ˈkwa˗ ˗bha ꞊dɛɛ bhë ˗ya kë ˈya˗,

˗A ˈgümɛn ˗nu ˗wo ˗gban ˗Zlan ˗gɔ.

Kwa ˗bhawɔn ˗yö ʒiaan ˗së ˗zɔn kwa ˗dhɛ ˗mɛn ˗bha,

Kö ˈkwa ˗tosɛta ˗tiaandhö kë.

Kwa ˗bha ˗bhɔkwëë ˗nu ˗wo mɛn ꞊gban kwa ꞊faanmën,

ˈWo kwa ˗bha ˗zoyödhe ˗gɛn ˗gban.

˗Wo ˗së ˗nu pö ˗sü ˗yö mɛn ꞊gban kwa ˗zo ˗gban,

ˈÖ ˈkwa bɔ ˈˈklʋʋbhɔdhe ˗nu ˈgü.

˗Yö ˗së kö ˈkwa nu ˗Zlan ˗gɔ ˈkɔɔ ˈˈtʋ̈ŋ ˈˈplɛ ˈka,

Kö ˈkwa ˗a dhɔɔbhaawɔn ˗nu kë.

Kwa ˗bha ˗bhɔkwëë ˗nu ˗wo ʒian ˗së ˗zɔn kwa ˗dhɛ,

ˈÖ ˈkwa to ˗këdhösü ˗ʒian ˗ta.

2. ˗Zlan ˗yö kwa ˗dɔ, ˈö kwa ˗bhawɔn ˗nu ˈˈplɛ dɔ,

ˈˈSlö ˈö˗ ˗zɔn kwa ˗dhɛ ˗kwaa ꞊gban kë.

ˈKwa ꞊nënŋ kwa ꞊dhegblü ˗nu ˗bha ˈˈtʋ̈ŋ ˈsaadhö ˈka,

Kwa ˗bha ˗zoyödhe ˗gɛn ˗dho ˗gban.

Kwa ˗bha mɛn zii ˗nu kwa ꞊klaŋ ˗kë ˗bhɔkwëë ˗ta,

ˈÖ ˈwo ˗gleŋ ˗së ˗nu ˗da kwa ˗bha.

˗Zlan ˗dhɔkëmɛn ˗nu ˈkwa ˗dhɛ ꞊gban ˈgü ˈˈkpɔnŋ ꞊taa,

Kwa Dëmɛn ˗Zlan ˗kɔ ˗yö kwa ˗gɔ.

ˈMɛn kwa ˈˈɲan ˈdhö ˈˈkpɔnŋtaadhɛ ˗dɛɛ nu ˗sü ˗gɔ,

˗Kwa ꞊nënŋ ˗Zlan ˗dhɔkëmɛn ˗nu ˗bha,

ˈKwa kwa ˈko ˗nu ꞊faan ˈmën kö kwa zuʋ̈ˈˈ kë ˗saa,

Kö ˈkwa ˈto ˗dhɔ ꞊dede ˗ʒian ˗ta.