˗Kwa ˈto ˗Zlan ˗bha ˈˈklʋʋsë ˗nu ˈˈpiʋ̈

1. Yi Dë ˗Zlan ü ˗to ü ˗wo ˗ta,

Yi ꞊gban ˈka ü yi ˗takun,

Kö zuʋ̈niidadhe kë yi ˗gɔ.

Ü ˗bha ˈˈklʋʋsë ˗nu ˗wo ꞊va.

Ü yi kë ˗sɔŋ yaa ˗bhawɔn ˗to,

ˈÜ ˈwɔn ˗së ˗nu kë ˗yi ˗dhɛ.

Yi ˗dho ˗klu ü ˗bha ˗dhioo ˗nu ˗bha,

Yi ˗dho ˈto ü ˗bha ʒiaan ˗ta.

2. Ü ˗dhɔkëmɛn ˗nu ˈwo ˈˈkpɔnŋ ꞊taa,

˗Wo ü ˗bha ˈˈklʋʋsë ˗nu ˗zɔn.

˗Wa ˗yö ˗an ˈˈta ˗kɔ ˗së ˗nu ˗bha.

˗Zlanwopösü ˗an ˗dhɛ ˗së.

Ü gbamɛn ˗nu ˈwo ˗dhɛ ꞊gban ˗bha,

Ü ˈwɔn ˗së ˗ʒian ˗zɔn ˗an ˗dhɛ.

˗Bhö bɔ ˗zuu waa ü ˈˈDhiwo ˗ta,

Kö ˈü ˈˈklʋʋsë ˗zɔn yi ˗dhɛ.

3. ˗Kwa ˈwɔn ˗së kë mɛn ˈsaadhö ˗dhɛ,

Kö ˗Zlan ˗yö ˈdhuëë˗ ˈkpɔ kwa ˗bha.

ˈˈKɛɛ mɛn ˈwo ˗klu kwa Dë ˗Zlan ˗bha,

˗Kwaa kë ˗an ˗dhɛ yi ˈˈplɛ ˈka.

Yi Dë ˗Zlan ˗bhö ꞊faan nu yi ˗dhɛ,

Kö yi ˈˈta ˗kɔ ˗yö kë ˗së,

Kö yi ˗gɔ ˈkɔɔ, ˗zlanwokɔɔdhö,

˗Dhɛ ꞊gban ˈgü, ˈyi ü ˈtɔ bhɔ.