• ˗Suʋ̈ ˗Zlan ˗gɔ ˗sü ˗dho ˈwɔn ˗së kë kwa ˗dhɛ
    ˈˈGlaadhiʋ̈ ˗Tɔn (˗Bhɔkwëë ˗bha)—2023 | Ʒuɛn

    • 6. Dhebɔ ˗nu ꞊plɛ ˗mɛɛn ˈö ˈkwa dho ˗an ˗wɔn blɛɛˈˈ?

      6 ˗Kwa Proverbes ˈˈɲan ˈˈgblʋ̈gblʋ̈ 9 ˗ga. Biblö ˈˈpian ˈö bhë ˗a ˈgü, ˗wo ꞊kpɔɔdhɛ waa ˈˈblɔɔn˗ ˗an ˗zɔn dhebɔ ꞊plɛ ˈka. (Wlɔ. 5:14; Ga. 4:24) Kwa ˗an ˗ga ˗ni ˈgü, ˗yö kë kwa ˈˈɲaan ꞊dhɛ Sɔtraan ˗bha ˈˈkpɔnŋtaadhɛ ˈö yö ˗a ˈgü, mɛn ˗nu zuʋ̈ˈˈ ˗yö ˗bhɔ ˈˈɲangüyaa waa mɛn ˈkpee˗ ˈˈbin ˗ga ˗sü ˗bha ꞊dedewo. (Efɛ. 4:19) ˗Dhɛ ˈö ˈˈdhʋ̈, ˗yö ˗dho kë ˗së kö ˈkwa ˗suʋ̈ ˗Zlan ˗gɔ ˗sü draanˈˈ, ˈkwa ˈˈkan ˈwɔn yaa kë ˗sü ˗bha. (Prov. 16:6) Kwa ˗kë gɔɔn˗ ɛɛnˈˈ dhebɔ ˈka, Proverbes ˈˈpian ˈö bhë ˗yö ꞊mɔɔn˗ ˗bha ˈö kwa ˗takun. Dhebɔ ꞊plɛ ˈwo ˗an ˗wɔn ꞊blɛɛ ˈˈdhʋ̈ bhë, ˗a mɛn ˗dhɛ ˈö ˈdhö ˗yö «mɛn ˗nu ˈö ˈwɔndɔdhe ˈyaa ˗an ˗gɔ» ˗an ˗dhɛ ˗ni ˈgü kö ˗wo nu ö ˈˈpiʋ̈. ˗A mɛn ˈö ˗dhö, ˗ya pö ˗ni ˈgü: «˗Ka nu n ˗gɔ ˈkɔɔ kö ˈka ˗bhöpë ˗bhö.» (Prov. 9:1, 5, 6, 13, 16, 17) ˈˈKɛɛ mɛn ˗nu ˈwo dho ˈˈwɩ ˈdho ˗sü ˗bha, pë ˈwo dho ˗a ꞊slɔɔ mɛn ˗dhɛ ˈö ˈdhö ˗a ˈˈpiʋ̈, ˈwii ˗dho kë do.

  • ˗Suʋ̈ ˗Zlan ˗gɔ ˗sü ˗dho ˈwɔn ˗së kë kwa ˗dhɛ
    ˈˈGlaadhiʋ̈ ˗Tɔn (˗Bhɔkwëë ˗bha)—2023 | Ʒuɛn
    • ˗Zuadhe do ˈö kun ꞊kwɛŋzü ˗yö dɔ ˗sü ˈka ö ˗bha ˈkɔ ˈˈkpan ˈˈdhiʋ̈, ˗yö ˈnëngɔnën do ˈö ʒiö ˗ni ˈgü ˗a ˗dhɛ ˗ni ˈgü ö ˗gɔ ˈkɔɔ.

      Mɛn ˈö dho «dhebɔ ˈˈblɔɔnsü» ˗wo ˗bha, ˗yö ˗dho ˈwɔn yaa ꞊gbɔɔnsü ꞊slɔɔ ˗a ˈgü. (Kpɔɔˈˈ ˗wo ˗bhüöö kpö 7 ˈgü.)

      7. ˈKwa ˗dhɛ ˗ga Proverbes 9:13-18 ˈgü, mɛn ˗nu ˗wa ˈdho dhebɔ ˈˈblɔɔnsü ˗wo ˗bha, ˈmën˗ ˗kë ˗an ˈka? (Kpɔɔˈˈ ˈzü pë ˈˈbin ˗bha.)

      7 ˗Kwa dhebɔ ˈˈblɔɔnsü ˗bha mɛn ˗dhɛ ˗wo ˗nu ˗wɔn blɛɛˈˈ. (Proverbes 9:13-18 ˗wo pö.) Mɛn ˗nu ˈö ˈwaa ˈwɔn dɔ ˗an ˗dhɛ ˗sü ˈlëë˗ ˈyaa˗ kë. ˗Ya ˗pö ˗an ˗dhɛ: «˗Ka nu ˈyö.» ˗Ya ˈˈpiʋ̈ kö ˗wo nu ö ˗gɔ ˈkɔɔ kö ˈwo ˈwlaan˗ kë. ˈˈKɛɛ ˗wa ˈdho, ˈmën ˈwo dho ˗a ꞊slɔɔ ˈmü? «Mɛn ˗nu ˈö ˗wa ga ˈnën ˈwo ˈmü.» ˗Wo suu ˈö bhë Proverbes ˈˈɲan ˈbha ˗nu ꞊waa˗ pö ˗be. Proverbes 2:11-19 ˈgü, ˗wo kwa ˗kpɔɔ kö ˈkwa kwa ˗de ˈkun «dhebɔ ˈˈɲangüyaasü» ˈö «suu yaa ˗dhe» ˈka bhë, ˗a ˗gɔ. ˗Wa ˗pö mü ꞊dhɛ «˗a ˗bha ˈkɔ ˗yö ˗dho mɛn ˈka ga ˗gblü ˈgü.» Proverbes 5:3-10 ˗yö kwa ˗kpɔɔ ˈzü ˈö˗ pö ꞊dhɛ ˈkwa kë kwa ˈsuan˗ ˈka «suu yaa ˗dhe» ˈö˗ «˗gɛn ˗yö dho mɛn ˗nu ˈka ga ˈgü» bhë, ˗a ˗gɔ.

      8. ˈWɔn ˗mɛɛn ˈö kwa dua ˈdhö ˗mü ˈkwa kwa ˗kɔ ˈˈyɛ ˗a do ˗bha?

      8 Mɛn ˗nu ˈwo «dhebɔ ˈˈblɔɔnsü» ˗wo man kö ˗yö ˗an ˗dhɛ ˗ni ˈgü bhë, ˗wo ꞊mɔɔn˗ ˗bha ˈwo dho ɛɛnˈˈ ˈwo ˗kɔ ˈdho ˗sü ˈka. ˈWɔn suu do ˈö bhë ˗yö ꞊mɔɔn˗ ˗bha ˈö ˗kë kwa ˈka ˈpö. Mɛn ˈbha ˗ya ˈˈslö mɛɛnˈˈ ˗ni ˈgü kö ˈö kwa ˗da ˈˈɲangüyaa ˈgü, ɛɛnˈˈ mɛn ˈkpee˗ ˈˈbin ˗ya ˗wo kwa ˈˈɲan ˈˈdhiʋ̈ kwa ˗de ˈtii ˈka, ˈmën ˈkwa dho ˗a kë?