• Ü ˗bha Biblö draansü ˈkun ˈˈgbɩɩ˗!
    Zuʋ̈gblüdhi ꞊slɔɔ ˗toëpö ˈka! (˗Bhö Biblö draanˈˈ)

    • 4. Biblö draansü ˗wɔn yö ˈˈdhiʋ̈ ü ˗bha ˗tosɛta ˈgü.

      ˈˈTʋ̈ŋ ˈbhaa ˗nu ˈka ˗yö ꞊mɔɔn˗ ˗bha ˈö ˗kë kwa ˈgü ꞊dhɛ ˈˈtʋ̈ŋ ˈyaa kwa ˗gɔ kö ˈkwa Biblö draanˈˈ. ˈˈKɛɛ ˈmën ꞊mɔɔn˗ ˗bha ˗yö ü ˗kakun? ˗Ka Fidhipö 1:10 ˗wo pö, kö ˈka dhɛɛˈˈ ˗nu ˈwo yö ˗an ˗yɔ mɛɛnˈˈ:

      • Ü ˗bha ˈgü, ˗mën ˗nu ˈwo ˗tɔ «ˈwɔn ˗së ꞊dede» ˈö ˈkwa ꞊mɔɔn˗ ˗bha ˈkwa ˗an kë?

      • Ü ˗dho Biblö draansü yö ˈˈdhiʋ̈ ü ˗bha ˗tosɛta ˈgü ˗kɔ ˗kë ꞊dhɛ?

      (1) Pë ˈˈbin ˗nu: Pë ˈˈbin ˈö ˗gban ˗gwë waa ˈˈɲɛɛn ˗an ˗lo ˈˈgboŋgbo ˈgü ˗sü ˗bha. 1. ˈˈƝɛɛn ˗gɔn waa ˗gwë kpö ˈˈgblʋ̈gblʋ̈ ˗gɔn. (2) ˈˈGboŋgbo do ˈö˗ ˗wɔn to ˈˈtɩtɩ kö ˈˈɲɛɛn ˗ya ˗pa. (3) ˗Gwë kpö ˗nu ˈwo ˗an ˗ya ˈˈɲɛɛn ˗ta ˈö˗ ˈbhaa to ˈˈshia˗. AN. Pë ˈˈbin ˗nu: (1) ˈˈƝɛɛn ˗gɔn waa ˗gwë kpö ˈˈgblʋ̈gblʋ̈ ˗gɔn do ˈö kun ˈˈdhuŋ. (2) ˈˈGboŋgbo do ˈö bhë ˈö˗ ˗wɔn to ˈˈtɩtɩ kö ˗gwë kpö ˗ya ˗pa. (3) ˗Gwë kpö ˈˈgblʋ̈gblʋ̈ ˗nu ˈwo ˈˈgboŋgbo ˈgü ˈö ˈˈɲɛɛn ꞊vadhɛ ˗wo bɔ ˗an ˈˈpiʋ̈ ˈwo wo ˗yɛɛ ꞊slɔɔ. ˈˈƝɛɛn ˗gɔn ˈˈtɩtɩ ˈö to ˈˈshia˗ ˈˈgboŋgbo ˈˈsuee.

      1. (1) Kö ˈü ˈˈɲɛɛn ˗lo ˈˈgboŋgbo ˈgü ˗blɛɛsü, kö ˈü˗ pö ˈü ˗gwë kpö ˈˈgblʋ̈gblʋ̈ ˗lo mü, wo ˈti ˗dho wo ˗yɛɛ ꞊slɔɔ˗.

      2. (2) ˈˈKɛɛ kö ˈü ˗gwë kpö ˈˈgblʋ̈gblʋ̈ ˗nu ˗lo ˈˈgboŋgbo ˈgü ˗blɛɛsü, ˈˈɲɛɛn ꞊vadhɛ ˗dho bɔ ˗a ˈˈpiʋ̈ ˈwo wo ˗yɛɛ ꞊slɔɔ. ˗Kɔ do ˈö bhë ˗a ˈka, kö pë ˈö˗ ˗wɔn ˈdhö ˈˈgbɩɩ˗ ˈü˗ bɔ ˈˈdhiʋ̈ ü ˗bha ˗tosɛta ˈgü, ü ˗dho ˈˈtʋ̈ŋ ꞊slɔɔ˗ ˈü pë ˈˈwɛɛ ˈbhaa ˗nu ˗kë.

      ˗Yö kwa ˈˈpiʋ̈ ꞊dhɛ ˈkwa ˗Zlan dɔ kö ˈkwa˗ ˗dhɔkë. Biblö draansü ˗yö kwa ˗takun ˗a ˗bha. ˗Ka Matiö 5:6 ˗wo pö, kö ˈka dhɛɛˈˈ ˈö yö ˗a ˗yɔ mɛɛnˈˈ:

      • Kö ˈü Biblö draansü ˗wɔn ˈkun ˈˈgbɩɩ˗, ˈwɔn ˗së ˗mɛɛn ˈö ˗dho kë ü ˗dhɛ?