• ˗Zlan ˗Wo ˈnën ˈö Biblö ˈgü
    Zuʋ̈gblüdhi ꞊slɔɔ ˗toëpö ˈka! (˗Bhö Biblö draanˈˈ)

    • 1. Biblö ˈö mɛnbhɩɩdhe ˗nu ˈnën ˈwo˗ ˗bɛnzë, ˈmën ˗kë ˈwo˗ pö ˗Zlan ˗Wo ˗mü?

      Mɛn 40 ˈnën ˈwo Biblö ˗bɛnzë ˗kwɛ ˈö ˗mɔn ˗kwɛ 1.600 ˗bha ˗an ˈˈpiʋ̈. ˗Wa ˗ya ˗sü zü ˗dɔ ˗kwɛ 1513 ˈka kö Yesu yö ˈti bhɔ ꞊köŋ, ˈö ˈwo˗ ˈˈdhiʋ̈ta ˗kwɛ 98 ˈka kö Yesu ˗ya bhɔ. Mɛn ˗nu ˈwo˗ ˗bɛnzë ˈˈdhʋ̈, wo ˈti ˈgo ˈˈsɛ do ˈgü. ˗A mɛn ˈbhaa ˗nu ˗kun ˗tuëmaankëmɛn ˗nu, ˈˈyiblɩɩkëmɛn ˗nu waa ˗gblüdë ˗nu ˈka. ˈˈKɛɛ pë ˈwo˗ ˗bɛnzë Biblö ˈgü ˗yö do. ˈMën ˗kë ˈö ˗kë ˈˈdhʋ̈? ˗A ˗gɛn ˗mü ꞊dhɛ ˗Zlan ˈnën ˈö ˗tɔ Biblö Dëmɛn. (1 Tesadhonikö 2:13 ˗wo pö.) Biblö ˗bɛnzëmɛn ˗nu wo ˈti wo ˗de ˗zopiʋ̈wɔn ˗ya ˗a ˈgü, ˈˈkɛɛ ‹˗zuu ˈslööslö ꞊nɛ ˈö yö ˗an ˗dhë ˈdhiö ˈyö ˈwun ˈö ˗gban ˗Zlan ˗bha, ˈö ˈwo˗ ꞊blɛɛ.›a (2 Piɛdhö 1:21, NTBL) ˗Zlan ˗yö ˗bɔ ö ˗bha ˗zuu ˈˈslʋ̈ʋ̈slʋ̈ ˗ta ˈö ö ˗zopiʋ̈wɔn ˗zɔn mɛnbhɩɩdhe ˗nu ˗dhɛ kö ˗wa ˗ya.—2 Timote 3:16.

  • Zoova ˗yö ˗kɔ ˗kë ꞊dhɛ?
    Zuʋ̈gblüdhi ꞊slɔɔ ˗toëpö ˈka! (˗Bhö Biblö draanˈˈ)

    • 4. ˗Zuu ˈˈslʋ̈ʋ̈slʋ̈ ˈnën ˗tɔ ˗Zlan ꞊faan ˈö yökë ˗a ˈka.

      Pë ˈˈbin ˗nu: Pë ˗nu ˈö ˗Zlan ˗yö bɔ ˗zuu ˈˈslʋ̈slʋ̈ ˗ta ˈö ˗an ˗da. 1. ˈˈkpɔnŋtaadhɛ ˗todhʋ̈sü waa dhaŋgüdhɛ. 2. Biblö ˗bɛnzëmɛn do ˈö ˗Zlan ˗zopiʋ̈wɔn ˗ya ˗ni ˈgü ˈsëëdhɛ ˗ta.

      Mɛnbhɩɩdhe ˗nu kwa yökë kwa ˗kɔdhɛ ˈka, ˈˈkɛɛ Zoova ˗zë ˗yö yökë ö ˗bha ˗zuu ˈˈslʋ̈ʋ̈slʋ̈ ˈka. Biblö ˗ya ˗zɔn ꞊dhɛ ˗zuu ˈˈslʋ̈ʋ̈slʋ̈ ˈyaa ꞊dhɛ mɛn ˈdhö, ˈˈkɛɛ ꞊faan ˈö ˗Zlan ˗ya sü kö ˗yö pë ˗nu kë ˗a ˈka yö ˗mü. ˗Ka Dhukö 11:13 waa Këwɔn ˗nu 2:17 ˗wo pö, kö ˈka dhɛɛˈˈ ˗nu ˈwo yö ˗an ˗yɔ mɛɛnˈˈ:

      • Kö ˈkwa ˗zuu ˈˈslʋ̈ʋ̈slʋ̈ ˗dhɛ Zoova ˗gɔ, ‹˗ya ˗nu› kwa ˗dhɛ. ˈDhɛ ˈö ˈˈdhʋ̈ kwa ꞊mɔɔn˗ ˗bha ˈkwa˗ pö ꞊dhɛ ˗zuu ˈˈslʋ̈ʋ̈slʋ̈ ˈö bhë mɛn ꞊dede ˗mü ˗ee? ˈMën ˗kë ˈü˗ pö ˈˈdhʋ̈?

      Zoova ˗yö ˗bɔ ö ˗bha ˗zuu ˈˈslʋ̈ʋ̈slʋ̈ ˗ta kö ˗yö pë ˈˈmlümlüsü ꞊va ꞊dede kë. ˗Ka Psaume 33:6 waa 2 Piɛdhö 1:20, 21 ˗wo pö, kö ˈka dhɛɛˈˈ ˈö yö ˗a ˗yɔ mɛɛnˈˈ:

      • Zoova ˗yö ö ˗bha ˗zuu ˈˈslʋ̈ʋ̈slʋ̈ ˗sü ˈö ˗mën ˗kë ˗a ˈka?

      Pë ˈˈbin ˗nu: Pë ˗nu ˈö ˗Zlan ˗yö bɔ ˗zuu ˈˈslʋ̈slʋ̈ ˗ta ˈö ˗an ˗da. 1. ˈˈkpɔnŋtaadhɛ ˗todhʋ̈sü waa dhaŋgüdhɛ. 2. Biblö ˗bɛnzëmɛn do ˈö ˗Zlan ˗zopiʋ̈wɔn ˗ya ˗ni ˈgü ˈsëëdhɛ ˗ta.