˗Zlan ˗dho mɛn ˗nu bho ga ˈgü ˗gɔtadhɔpë ˈsaa˗ ˈgü

˗Zo ˗bo ˈwlaan˗ ˗ya ˗kë ˈö ˈkwa kwa ˗zota ˈwɔn ˗së ˈö ˗Zlan ˗dho ˗a kë kwa ˗dhɛ dhiʋ̈ˈˈ ˗gɔtadhɔpë ˈsaa˗ ˈgü, ˗a ˈgü. ˗A ˈwɔn ˗së ˗nu ˈwo bhë ˗a do ˈnën ˗tɔ ˗go ga ˈgü ˗sü. ˈYaa gun Zoova ˈˈpiʋ̈ ˗be kö mɛnbhɩɩdhe ga toŋtoŋdhö. ˗Yö ˈnën ˗wɔn ˈgü ˈö kwa ˗bha mɛn ˗ya ga, ˈyö mën kwa ˈka ꞊dedewo bhë. (1Ko 15:26) ˗Dhɛ ˈö Yesu ö ˗bha gwëëˈˈ ˗nu yö kö ˗wo Dhazaa ˗bha ga ˗gbo ˗bɔ ˗ni ˈgü, ˗wëë ˗yö ˗bɔ ˗a ˗ta. (Zn 11:33-35) ˗Dhɛ ˈö kë ꞊dhɛ Yesu ˗yö ˗bhɔ ö Dë ˗bha kpakpadhö bhë, ˗yö kë kwa ˈˈɲaan ꞊dhɛ kwa ˗bha mɛn ˗nu ˈö ˗an ˗dhɔ kwa kë, ꞊wa go kwa ˗bha, ˗yö ˗mën Zoova ˈka ˈpö ꞊dedewo. (Zn 14:7) Zoova ˗dho mɛn ˗nu ˈö ꞊wa ga ˗an bho ga ˈgü. ˗Ya ˈˈpiʋ̈ ˈö˗ kë ˈˈdhʋ̈ ˈˈvaandhö.—Jb 14:14, 15.

Zoova ˗dho mɛn ˗nu bho ga ˈgü ˗kɔ ˗kë ꞊dhɛ? ˈYii˗ ˗bho ˈko ˗ta kë kwa ˗dhɛ. ˈˈKɛɛ ˗dhɛ ˈö kë ꞊dhɛ Zoova ˗zë ˈyaa ˈwɔn ˈˈbhluubhlu kë bhë, kwa ꞊mɔɔn˗ ˗bha ˈkwa kwa ˗zo yö ꞊dhɛ ˗go ga ˈgü ˗sü ˈyi ˈdho kë ˈˈbhluubhludhe ˈgü. (1Ko 14:33, 40) ˈKwi ˗dho ˈdho ga ˗ta ˈzü. ˈˈKɛɛ kwa ˗dho kwa ˈˈɲan ˈto mɛn ˗nu ˈö ꞊wa ga ˈö ˈwo ˗dho ˈgo ga ˈgü ˗an ˗gɔ, kö ˈkwa kwa ˗kɔ ˗ya ˗an ˗gɔ. Ga ˗ya bhɔ ü ˗ta, ü ü ˗zota ˗go ga ˈgü ˗sü ˈgü ˗ee? (2Ko 4:17, 18) Ü Zoova ˈˈnuɛ bho ˗gɔtadhɔpë ˈö nu bhë, ˗a ˗bha ˗ee? ˗A ˗zɔn ˈö˗ ˗wo kwa ˗dhɛ ö ˈˈDhiwo ˈgü ꞊dhɛ mɛn ˈö ꞊wa ga ˗wo ˗dho ˈgo ga ˈgü bhë, ü˗ ˈˈnuɛ bho ˗a ˗bha ˗ee?—Kod 3:15.

• Ü ˈˈtɛɛdo ɛɛnˈˈ ü mɛn ˗nu ˗mɛɛn ˈü˗ ˈˈpiʋ̈ kö ˈü ü ˈˈɲan ˗kpan ˗an ˗bha ˈˈvaandhö?

• Mɛn ˗nu ˈö Biblö ˗an ˗wɔn ˗blɛɛ bhë, de ˗nu ˈü˗ ˈˈpiʋ̈ kö ˈü ü ˈˈɲan ˗kpan ˗an ˗bha, kö ˈü ˈˈdoo dɔ ˗an ˈˈpiʋ̈?