Kwa ˗dho ˗a kë ˗kɔ ˗kë ꞊dhɛ kö ˗Zlan waa kwa këyoo ˗nu ˗dhɔ ˗yö ˈkwa ˗kë?

Kö kë ꞊dhɛ ˗Zlan ˗bha ˈtɔŋ˗ ˈsëëdhɛ ˈö Moizö ˗ya ˗bɛn zë bhë ˈyaa ˗gban Kletiɛn ˗nu ˗bha, ˗a ˗bha ˈtɔŋ˗ ꞊bhlëësü ꞊plɛ ˈwo ˗kë: ˗Zlan waa kwa këyoo ˗nu ˗dhɔ ˗yo kwa ˗kë ˗an ˈka bhë, ˗wo pë ˈö Zoova ˈdhö˗ ˈˈpiʋ̈ kö ˈkwa˗ ˗kë ˗a ˗zɔn. (Mt 22:37-39) ˈDhɛ kë ꞊dhɛ ˈkwaa bhɔ ˗dhɔ ˈka bhë, kwa ˗dho ˗a kë ꞊dhɛ kö ˗Zlan waa kwa këyoo ˗nu ˗dhɔ ˗yö kwa ˗kë? ˗A kë ˗kɔ ˗së do ˈbha ˈnën ˈö ˗tɔ Biblö ˗wo ˗pö yi ꞊gban ˈka ˗sü. ˈKwa kwa ˗zota ˗Zlan ˗bha ˈˈklʋʋsë ˗nu ˈwo Biblö ˈgü, ˗an ˈgü, kwa “Zoova ˗bha ˗sëdhɛ” yö. (Ps 27:4) ˈKwa˗ kë ˈˈdhʋ̈ ˗Zlan ˗dhɔ ˗bha kwa kë ˗sü ˗dho ˗dadhiʋ̈. ꞊Ya ˈgo mü ˈzü kwa ˗bha ˗zotadhe ˗dho bhɔ ˗a ˗bhaa ˗bha. ˗Yö ˗dho kwa ˗blü kö ˈkwa ˗Zlan ˗bha ˈtɔŋ˗ ˗nu ˈö ˈbha ˗ya ˗pö mɛn ˈˈwɛɛ ˗nu ˗dhɔ ˗yö kwa kë ꞊dedewo bhë, ˗an ˈkun. (Zn 13:34, 35; 1Zn 5:3) Pë ˗yaaga ˈö ˗dho kwa ˗takun kö kwa ˗bha Biblö ˗wopösü din ˗yö dhi ˈwo ˈtɔ˗:

• ˗Kwa kwa ˗zota. ˗Kwa ˗a kë ꞊dhɛ kwa mü. ˗Mën ˈkwa ˗kpan ˗a ˗bha? ˗Mën ˈkwa˗ man? ˗Mën ˈkwa˗ ˗fii kun? Mɛn ˗nu ˈwo ˗kwɛzlan bhë˗ ˈgü ˗wo wo ˗de ˈgü ˗mü ꞊dhɛ?

  

• ˗Kwa pë ˗wo pö ˗kɔ ˈˈslö ꞊va kë. ˗A ˈˈslö ˈbha ˗nu ꞊nɛn: ˗Kwaa ˗wo pö kwa ˗wo ˗ta ɛɛnˈˈ ˈkwa kwa ˈˈtʋ ˈto ˗ni ˈgü pë ˗wo pö ˗sü ˗bha, ˗kwa ˗dhɛga ˈsëëdhɛ ˈgü. Biblö ˈˈpian ˈö ˗gban mɛn ˈbha ˗nu ˗bha, ˗kwaa ˗wo pö. ˈKwa ˈdho ˗a ˈˈɲan ˈˈgblʋ̈gblʋ̈ ˗nu ˗wo pö ˗bhüöö ˈgü. ˗A ˈwɔnzuan ꞊nɛn. ˗Kwa Appendice A7 ɛɛnˈˈ B12 ˈwo Les Saintes Écritures. Traduction du monde nouveau ˈgü˗ ˗an ˈsü, kö ˈwɔn ˈö ˗gban Yesu ˗bha ˈkwa˗ ˗wo pö. ˗Kwa Biblö ˈˈɲan ˈˈgblʋ̈gblʋ̈ ˈö ˗dhɛkpaɔyi ˗bha Biblö ˈˈɲan ˗yö go ˗a ˈgü bhë, ˗a ꞊gban ˗wo pö. ˈSëëdhɛ ˗be ˗nu ˈwo Biblö ˈgü, ˗kwa ˗an ˗wo pö ˗bhüöö ˈgü.

  

• ˗Kwaa ˗wö pö kö ˈkwa˗ ˈgüman. Biblö ˈˈɲan ˈˈgblʋ̈gblʋ̈ do ˗wo ˗pö yi ꞊gban ˈˈpɛpɛ ˈka ˗sü kö ˈkwa˗ ˈgüman ˗së ˈka˗ ˈfiëë ˗yö ˗dhö ˈö ˗ʒiö ˗a ˈka ˗a ꞊va ˗wopösü ˈˈkpaan ˗ta. ˈPë ˗kë ˈwo˗ ˗ya, ˗kwaa ˗gɛn mɛɛnˈˈ. ˗Kwaa ˈˈpiʋ̈ ˈpɔn. ˗Kwa kwa ˈˈtʋ̈ŋ ˗kë ˈˈsɛ ˈˈbin ˗nu waa Biblö ˈˈɲan ˗nu ˈwo˗ ˈˈsuee ˗an ˈgü. Pë ˗dhɛ ˈö ˈkwaa˗ ˈgüman, ˗kwaa ˗gɛn mɛɛnˈˈ ˈsëëdhɛ ˗nu ˈgü. ˈˈTʋ̈ŋ do ˈkwa ˗dho pë ˗wo pö ˗a ˈka bhë, kwa ꞊mɔɔn˗ ˗bha ˈkwa˗ ˗sü ˈkwa kwa ˗zota ˗a ˈka ˈpö pë ˈkwa˗ ˗wo pö bhë, ˗a ˈgü.