Biblö ˈˈɲan ˗nu ˗wo pö ˈˈtʋ̈ŋ ˗së

Matiö 22:41-45

ˈPË ˈÜ DHO ˗A KË: ˈˈSanni ˈü Biblö ˈˈɲan ˈbha ˗wo pö, ˈpë ˗kë ˈü dho ˗a ˗wo pö, ˗bhö ˗a ˗gɛn pö.

Ü ˗DHO ˗A KË ˗KƆ ˗KË ꞊DHƐ?:

• ˗Bhö ü ˗zota pë ˈö ˗kë ˈü dho Biblö ˈˈɲan bhë ˗a ˗wo pö, ˗a ˈgü. ˈBha˗ pö ˈü Biblö ˈˈɲan ˈbha ˗wo pö, pë ˈö ˗kë ˈü ˗dho ˗a ˗wo pö, ˗bhö ˗a kë kö ˈˈtʋtomɛn ˗nu ˗wa dɔ.

• Pë ˈü ˗dho ˗a pö, ˗yö ˈgo Biblö ˈgü. ꞊Ya kë ꞊dhɛ ü dhiaŋ zë ˗ni ˈgü mɛn ˗nu ˈwo wo ˗zoyö ˗Zlan ˗dhɛ ˗an ˗dhɛ, ˈbha˗ pö ˈü Biblö ˈˈɲan ˈbha ˗wo pö, ˗bhö ˗a pö «˗Zlan ˗Wo» ˗ya ˗pö, kë ˈˈdhʋ̈ kö ˈü˗ ˗zɔn ˗an ˗dhɛ ꞊dhɛ ꞊kpɔɔdhɛ ˈgodhɛ ˗së ˈnën ˗tɔ Biblö.

• ˗Bhö Biblö ˗wopösü ˗dhɔ ˗da ˗an ˈgü. ˗Bhö dhɛɛˈˈ do ˈö˗ ˗yɔ dho ˈgo Biblö ˈgü ˗a ˈkpɔ. ˗Bhö ˈwɔn ˈbha ˈö Biblö ꞊mɔɔn˗ ˗bha kö ˗yö kwa ˗takun ˗a ˈˈɲan bhɔ ˗sü ˗bha, ˗a pö. Ɛɛnˈˈ ˈzü, ˗bhö ˈtɔŋ˗ ˗gɛngbandhɛ ˈö dho ˈgo Biblö ˗bha ˗kwɛzlan ü dho ˗a bho bhë ˗a ˈgü, ˗a ˗zɔn.