ˈWƆN ˗GƆ 1

Dhiaŋ züdɔ ˗kɔ ˗së

Këwɔn ˗nu 17:22

ˈPË ˈÜ DHO ˗A KË: Ü ˗bha dhiaŋ züdɔ ˗kɔ dua ˗mü kö ˗yö ˈˈtʋ ˗to ü ˗bha ˗sü ˗dhɔ ˗da mɛn ˗nu ˈgü. ˗A dua ˗mü ˈpö kö ˈpë ˗kë ˈö ˈwɔn ˈü ˗dho ˗a blɛɛˈˈ ˗a ˗dhɔ dho ˈˈtʋtomɛn ˗nu kë, ˗a ˗zɔn.

Ü ˗DHO ˗A KË ˗KƆ ˗KË ꞊DHƐ?:

˗Bhö ˈˈtʋ ˗to ü ˗bha ˗sü ˗dhɔ ˗da mɛn ˗nu ˈgü. ˗Bhö ü ˗kɔ ˈˈyɛ dhɛɛˈˈ do ɛɛnˈˈ Biblö ˈˈɲan ɛɛnˈˈ ˈzü ˈwɔn ˈbha ˈö ˗kë ˈö ˗dho ˈpa ˈˈtʋtomɛn ˗nu zuʋ̈ˈˈ ˈka, ˗a ˗bha.

˗Bhö ü ˗zota ˈˈdhiʋ̈ ˗be pë ˈö ˈˈtʋtomɛn ˗nu ˗bhawɔn ˈdhö˗ ˗bha waa ˈwɔn ˈö ˗an zuʋ̈ˈˈ ˈˈdhiʋ̈ ˈˈtɛɛ ˗ni ˈgü, ˗an ˈgü. ˗Bhö bɔ ˗an ˗ta kö ˈü ü ˗bha dhiaŋ züdɔ ˗kɔ baaˈˈ.
ˈWɔn ˈü dho ˗a blɛɛˈˈ, ˗bhö ˗a pö. ˗Bhö pë ꞊gban kë kö ˈwɔn ˈü dho ˗a pö waa˗ pö ˗gɛn ˗nu ˗wo yö ˈˈkpɛnŋ ü ˗bha dhiaŋ züdɔ ˗kɔ ˈgü kö ˈˈtʋtomɛn ˗nu ˗wa dɔ.
ˈPë ˗kë ˈö ˈwɔn ˈü ˗dho ˗a blɛɛˈˈ bhë ˈö ꞊bhlëësü, ˗bhö ˗a ˗zɔn. ˈWɔn ˈü dho ˗a blɛɛˈˈ ˗bhö ˗a ˗gban ˈˈtʋtomɛn ˗nu ˗bhawɔn ˗bha. ˗An dua ˗mü kö ˗wa ˈwɔn dɔ ꞊dhɛ ˗yö ꞊mɔɔn˗ ˗bha kö ˗yö ˗an ˗takun.

Ü ü ˗de baaˈˈ ˗ni ˈgü ˈˈdhɛɛtaadhiaŋ˗ ˗bha, ˗bhö ü ˗de dhɛɛˈˈ ˈkpɔ: «ˈWɔn suu ˗mɛɛn ˈö n ꞊dhegblü ˗nu ˈwo ˗zlanwokɔdhi ˈgü, ˈwo bɔ ˗ni ˗an ˈgü?» ꞊Ya ˈgo mü ˈzü ˈwɔn ˈü ˗dho ˗a blɛɛˈˈ ü ˗bha dhiaŋ züdɔdhɛ ˈgü bhë, ˗bhö ˗a ˗bɛ ˗an ˗bhawɔn ˗nu ˗bha.