ˈWƆN ˗GƆ 2

˗Bhö dhiaŋ zë ꞊dhɛ mɛn ˈˈdoo dɔ

2 Kodhɛngtö 2:17

ˈPË ˈÜ DHO ˗A KË: ˗Bhö dhiaŋ zë ꞊dhɛ ˗kɔ ˈü dhiaŋ zë ˗a ˈka yi ꞊gban ˈˈpɛpɛ ˈka ˗a ˈdhö, kö ˗kɔ ˈü ü ˗bha dhiaŋ ˗gɔ waa ˈˈtʋ̈tomɛn ˗nu yö ˗a ˈka bhë, ˗wa dɔ.

Ü ˗DHO ˗A KË ˗KƆ ˗KË ꞊DHƐ?:

˗Bhö ü ˗de baaˈˈ ˗së ˈka, ˈü bhɛɛˈˈ Zoova ˗dhɛ. Bhɛɛˈˈ Zoova ˗dhɛ kö ˗yö ü ˗takun kö ˈbha ˈdho ˗ya ü ˗de ˈwɔn ꞊zuën ˗ta, ˈˈkɛɛ kö ü ˗ya ˈwɔn ˈü˗ blɛɛˈˈ ˗ni ˈgü bhë ꞊nën ˗a ꞊zuën ˗ta. ˈWɔn gaga ˗nu ˈü ˗dho ˗an ˈgü ˈˈpʋ, ˗bhö ˗an ˈgüman ˗së ˈka. ˈWɔn ˗nu ˈü dho ˗an blɛɛˈˈ, ˗bhö ˗an blɛɛˈˈ ü ˗de ˗bha dhiaŋ zë ˗kɔ ˈgü. ˈBha ˈdho ʒiö ˗wo kpökpö ˗nu ˈwo ˗bɛn zë ˗sü ˈka ˈsëëdhɛ ˈbha ˈgü ˗an ˈˈpiʋ̈ dosɛnŋ.

꞊Ya kë ꞊dhɛ ˈbha˗ pö ˈü Biblö ˈˈɲan ˈbha ɛɛnˈˈ kwa ˗bha ˈsëëdhɛ ˈˈpian ˈbha ˗wo pö, ˗bhö ˗a draanˈˈ ˗së ˈka kë ˈˈdhʋ̈ kö ˈü˗ ˗wo pö ˗së ˈka. ꞊Ya kë ꞊dhɛ pë ˈö mɛn ˈbha ˗ya pö ˈnën ˈü˗ ˈˈpiʋ̈ ˈü˗ pö, ˗bhö ˗a ˗wo pö ˗së ˈka. ˈˈKɛɛ ˈya ˈdho kë ꞊dhɛ trʋʋˈˈ kë ˗sü ˈdhö.
Pë ˗nu ˈü ˗dho ˗an pö, ˗wo ˈgo ü zuʋ̈ˈˈ ˈˈpiʋ̈. ˈPë ˗kë ˈö ˈˈtʋtomɛn ˗nu ˗bhawɔn ˈdhö ˈwɔn ˈü ˗dho ˗a blɛɛˈˈ bhë ˗a man ˗sü ˗bha, ˗bhö ü ˗zota ˗a ˈgü. ˗Bhö ˗ya ˗an ˗wɔn ꞊zuën ˗ta. ˈBha˗ kë ˈˈdhʋ̈ ü dɔ ˗kɔ, ü ˗pa ü ˗de ˈka ˗kɔ ˗nu waa ü ˈwëëdhɛ ˗nu ˗dho ˗a ˗zɔn ꞊dhɛ ü ˈˈtʋ̈ŋ ˗yö ˗an ˈgü, ˈyö ˗an ˗dhɔ ˗yö ü ˗kë.

꞊Waa˗ pö ˈü dhiaŋ zë ꞊dhɛ ˗kɔ ˈü dhiaŋ zë ˗a ˈka yi ꞊gban ˈˈpɛpɛ ˈka ˗a ˈdhö, ˗a ˗gɛn ˈyaa ˈnën ˈö ˈtɔ˗ ˈü dhiaŋ zë ꞊dhɛ mɛn trʋʋˈˈ ˗kë. ˈWɔn ˈü˗ blɛɛˈˈ ˗ni ˈgü, ˗bhö ˗a ꞊bhlëë ˗zɔn ˈwɔn blɛɛˈˈ ˗kɔ ˈö mɛn ˗nu dho ˗a ˈgüman ˗së ˈka, ˗a ˈka.
˗Bhö ˈˈtʋtomɛn ˗nu ˗ga. ꞊Ya kë ꞊dhɛ mɛn ˗nu ˗ga ˗sü ˈyaa ˈwɔn yaa ˈka ka ˈˈpian ˗ta, ˗bhö ˗an ˗ga kö ˈü dhiaŋ zë. ˈÜ ˈˈdhɛɛtadhiaŋ˗ zë ˗ni ˈgü, ˗bhö mɛn ˗nu ˈsü do do ˈkö ˈü ˗an ˗ga. ˈBha ˈdho mɛn ꞊gban ˗ga wo ˈkwëë˗.