˗Wo ˗bho ˈko ˗ta ˗kɔ

Matiö 10:27

ˈPË ˈÜ DHO ˗A KË: Ü dhiaŋ zë ˗ni ˈgü, ü ˗wo ˗bho ˈko ˗ta ˗kɔ, ˗a ˈdho ˗kɔ waa ü ˗bha dhiaŋ zë ˗kɔ ˗wo kë ˈˈpuu kö ˗wo ˈpa mɛn ˗nu zuʋ̈ˈˈ ˈka.

Ü ˗DHO ˗A KË ˗KƆ ˗KË ꞊DHƐ?:

• Ü ˗wo ˈdho ˈˈdhuŋ ɛɛnˈˈ ˗a ˈdho ˈˈshia˗. ˗Bhö ü ˗wo ˈdho ˈˈdhuŋ kë ˈˈdhʋ̈ kö ˈˈtʋtomɛn ˗nu ˗wo ü ˗bha ˈwɔn gaga ˗nu ˈgüman ˗së ˈka kö ˗yö ˗an ˗blü ˈwɔn ˗së kë ˗sü ˗bha. Ü Zoova ˗bha za ˈˈkan ˗wo ˗nu pö ˗ni ˈgü ˈpö, ˗bhö ü ˗wo ˈdho ˈˈdhuŋ. ˗Bhö ü ˗wo ˈdho ˈˈshia˗ kö ˈü˗ ˗zɔn ꞊dhɛ ˈˈsuʋ̈ ɛɛnˈˈ zuʋ̈dhiʋ̈tɛɛ ˗yö ˗a ˈˈpian ˗dhɛ ˈü yö ˗a ˗bha bhë, ˗a ˈgü.

• Ü ˗wo ˈdho ˗kɔ bho ˈˈgblʋʋ. ꞊Ya kë ꞊dhɛ ˗wa ˗kë ˈˈdhʋ̈ ka ˗wo ˈgü, ü ˗wo ˈdho ˗kɔ ˗yö ˈdho ˈˈdhuŋ kö mɛn ˗nu ˗wa ˈwɔn dɔ ꞊dhɛ ü zuʋ̈ˈˈ ꞊nii ˗yö ˗da ˗sü ˈka, ɛɛnˈˈ kö ˈü pë ˈbha ˗bha ˗kë ˈkpiisü ɛɛnˈˈ gblɛɛnsü ˗zɔn. Ü ˈwɔn ˈö ˗wëë ɛɛnˈˈ zuʋ̈dhiʋ̈tɛɛ ˈdhö˗ ˈgü ˗a blɛɛˈˈ ˗ni ˈgü, ü ˗wo ˗yö ˈdho ˈˈshia˗.

• ˈWɔn blɛɛˈˈ ˗biata ɛɛnˈˈ ˈlëëlë ˈka. ˗Bhö dhiaŋ zë ˈˈvanvandhö kö ˈwɔn ˈbha ˈö ˈˈsuʋ̈ ˗da mɛn ˈgü, ɛɛnˈˈ ˈö mɛn zuʋ̈ˈˈ ꞊nii ˗da, ɛɛnˈˈ ˈzü ˈö ˈpa mɛn zuʋ̈ˈˈ ˈka, ˈü˗ blɛɛˈˈ. Ü ˈwɔn blɛɛˈˈ ˗ni ˈgü, ˈbha yö ˈwɔn gaga ˗nu ˗bha, ˈbha ˈdho dhiaŋ zë ˗biata. ˗Bhö ˗a zë ˈˈlëëlë ˈka.