ˈˈTAN 57
˗Kwa ˗zlanwopö mɛn suu ˈsaadhö ˗dhɛ
(1 Timote 2:4)
1. ˗Kwa kwa ˗bha ˈwɔn kë ˗kɔ ˗nu ˈsü ˗Zlan ˗bha.
ˈˈKpɔnŋtaamɛn ˈsaadhö ˗dhɔ kwa Dë ˗Zlan ˗kë.
ˈPë˗ ˈˈpiʋ̈ ˈyö ˗tɔ kö mɛn suu ꞊gban ˗wo dha.
˗Yö ö ˗bha ˈˈkwee ˗pʋ mɛn suu ˈsaadhö ˗gɔ.
(˗A ˈKUN ˗KƆ)
ˈKwaa mɛn ˗nu bunbhadhɛ ˗ga.
ˈKwaa za dɔ mɛn ˗nu ˗wo ˗bha.
Kwa ˗zlanwopö mɛn ˈsaadhö ˗dhɛ ˈˈsɛ ˗ta.
Mɛn ˗nu ˗dhɔ ˈnën kwa ꞊faan mën,
˗Zlan ˗bha nɔɔn˗ ˗së pö ˗sü ˗bha
«Mɛn suu ˈsaadhö ꞊mɔɔn˗ ˗bha ˈö ˗Zlan ˗dhɔkë.»
2. ˈKö ˈkwa ˗kpan mɛn ˗bha ˗dhɛ suu ˈsaadhö ˈgü,
˗Kɔ ˈwo˗ ˈka wo kwi ˗bha, ˈyaa ˈwɔn ˈbhaa ˈka.
Mɛn zuʋ̈ga ˈnën ˗a ˗wɔn ˈdhö ˈˈgbɩɩ˗ ˗Zlan ˗gɔ.
ˈPë mɛn zuʋ̈ˈˈ ˈgü ˈyö kwa Dë ˗Zlan ˗ya yö.
(˗A ˈKUN ˗KƆ)
ˈKwaa mɛn ˗nu bunbhadhɛ ˗ga.
ˈKwaa za dɔ mɛn ˗nu ˗wo ˗bha.
Kwa ˗zlanwopö mɛn ˈsaadhö ˗dhɛ ˈˈsɛ ˗ta.
Mɛn ˗nu ˗dhɔ ˈnën kwa ꞊faan mën,
˗Zlan ˗bha nɔɔn˗ ˗së pö ˗sü ˗bha
«Mɛn suu ˈsaadhö ꞊mɔɔn˗ ˗bha ˈö ˗Zlan ˗dhɔkë.»
3. ˈMɛn ˗nu ˈwo ˗kan ˈˈkpɔnŋ ꞊taa ˗wɔn ˗nu ˗bha ꞊dɛɛ,
Zoova ˗Zlan ˗yö ö ˗kɔ ˗kpɔ ˗an ˗gɔ.
Nɔɔn˗ ˗së ˈö bhë, kwa˗ ˗pö mɛn suu ꞊gban ˗dhɛ,
Kö ˗wo nu kwa Dë ˗Zlan Zoova ˗gɔ ˈkɔɔ.
(˗A ˈKUN ˗KƆ)
ˈKwaa mɛn ˗nu bunbhadhɛ ˗ga.
ˈKwaa za dɔ mɛn ˗nu ˗wo ˗bha.
Kwa ˗zlanwopö mɛn ˈsaadhö ˗dhɛ ˈˈsɛ ˗ta.
Mɛn ˗nu ˗dhɔ ˈnën kwa ꞊faan mën,
˗Zlan ˗bha nɔɔn˗ ˗së pö ˗sü ˗bha
«Mɛn suu ˈsaadhö ꞊mɔɔn˗ ˗bha ˈö ˗Zlan ˗dhɔkë.»
(Kpɔɔˈˈ Zan 12:32; Këw.10:34; 1 Tim. 4:10; Tit 2:11 ˗bha.)