˗Kwa ˈto Zoova ˗bha ˗dhɔ ˈwɔnzuan ˈˈpiʋ̈

1. ˈMɛn ˗dhɔ ꞊dede ˗zɔn mɛnbhɩɩdhe ˗nu kwa ˗dhɛ,

Yö ˈnën ˈtɔ˗ Zoova ˗Zlan.

˗Yö ˗dhɔ ˗zɔn ˗kplawo ˗a këwɔn ˈsaadhö ˈgü.

˗Yö ö Gbö ˗nu, kö ˗yö kwa dha.

˗Yö kwa ˗gɔ ˗ta ˗dhɔ, kö ˗yö kwa ˗bhawɔn ˈto,

Kö ˗yö mɛn ꞊gban kwa ˗bha ˈwɔn yaa ˗nu ˗takpa.

˗A këwɔn ˗nu bhë, ˗kwa ˗dhɔ ˗gleŋ ˈsü ˗a ˗bha!

˗Dhɔkaa ˗Zlan ˗mü, ˗a ˗bha ˗dhɔ ˗yö ˗së.

2. ˗Kwa ˗dhɔ ꞊dede ˗zɔn kwa ꞊dhegblü ˗nu ꞊gban ˗dhɛ,

Mɛn ꞊gban ˗dhɔ ˗yö kwa kë.

˗Kwa ˗an ˗takunsü ˈˈslö mɛɛnˈˈ ˈˈtʋ̈ŋ ˈsaadhö ˈka,

Kwa zuʋ̈ˈˈ ˗së ˈka, kwa zuʋ̈ˈˈ ꞊gban ˈka.

Mɛn ˈü ˗Zlan ˗dhɔkë, ˗wa pë ˈˈdhiʋ̈˗ kë ü ˈka,

˗Bhö ü zuʋ̈ˈˈ kë ˗saa, ˈü mɛn ˗nu ˗bhawɔn ˈto.

˗Bhö ˗dhikodhɛ mɛɛnˈˈ, ˗a mɛɛnˈˈ ü zuʋ̈ˈˈ ˈˈpuu ˈka,

Kö ˗dhɔ ˗yö ˈto ꞊dhegblüzë ka ꞊zinŋ.

3. ˗Dhɔ ˈö kwa ꞊zinŋgü, ˗yö kwa ˗kë mɛn do ˈka.

Kwa ˗kɔ ˗yö ˈwɔn do ˗bha.

Kwa Dë ˈö dhaŋ˗ ˈgü, ˗yö kwa ˗dhɛ ö ˗gɔ ˈkɔɔ,

ˈÖ kwa ꞊klaŋkë ˗dhɔ ꞊dede ˈka.

Mɛn ˗nu ˗wo kwa ˗dɔ kwa ˗bha ˗dhɔkaadhe ˗bha.

˗Zlan ˗yö kwa ˗takun kö ˈkwa ˗dhɔ ꞊dede dɔ.

˗Zlan ꞊dee Gbamɛn ˗nu, ˗kwa Zoova ˗Zlan ˈˈnuɛ bho,

˗A ˈˈgblü ˗yö ˗së, ˗dhɔkaadhe ˗Zlan ˗mü.