˗Kwa kwa ˈko ˗nu ˗bhawɔn ˈto zuʋ̈ˈˈ ˈˈpuu ˈka

1. Kwa ˗dhɔ ˗yö Zoova ˗kë,

ˈYö bɔ ö Gbö Yesu ˗ta,

ˈYö kwa ˗bha ˈwɔn yaa ˗bhawɔn to,

ˈYö ˈkwa go ga ˗gɔ ˈˈgan ˈgü.

Kö ˈkwa ˈgo ꞊sɔŋ yaa ˗ʒian ˗nu ˗ta,

Kö ˗gɔtadhɔpë ˈsaa˗ ˈgü,

Kö ˈkwa bhɛɛˈˈ ˗Zlan ˗dhɛ zuʋ̈ˈˈ ˈˈpuu ˈka,

˗Zlan ˗yö ˗dho kwa ˗bhawɔn ˈto.

2. ˗Kwa mɛn ˗nu ˗bhawɔn ˈto,

Kö ˗Zlan ˗yö kwa ˗bhawɔn ˈto.

Mɛn ˗bhawɔn ˈto zuʋ̈ˈˈ kë kwa ˗gɔ,

Kö mɛn ˗nu ˗wëë ˗yö kwa kë.

Kwa ˈko ˗nu ˗dhɔ ˗yö kwa ˈko kë,

˗Kwa ˗shiödhe ˗blü kwa ˈka ꞊gblɛɛn.

Kwa ꞊dhegblü ˗nu ꞊bhlëë kë kwa ˗gɔ,

Kö ˗dhɔ ˗yö ˈto ˗a ˈˈgbɩɩ˗ ˈka.

3. ˗Kwa kwa zuʋ̈güdhɛ ˈˈzu,

Kö ˈkwa zuʋ̈dhiʋ̈dhɛ bho mü.

Kö mɛn ˗nu ˗wëë ˗yö kë kwa ˗gɔ,

Kö ˈˈdhinaan ˗yö ˈgo kwa ꞊zinŋ.

˗Kwa ˗gleŋ ˈsü kwa Dë Zoova ˗bha,

Kö mɛn ˗nu ˗dhɔ ˗yö kwa kë.

Mɛn ˗nu ˗dhɔ ˗yö ˗dho kwa ˗takun,

Kö ˈkwa mɛn ˗nu ˗bhawɔn ˈto.