˗Zlan ˈˈnuɛ bho ˗sü

1. N Dëmɛn ˗Zlan a ˗bhɛɛ kö ˈa ü ˈtɔ bhɔ.

A ˗dho ü ˈˈnuɛ bho n zuʋ̈ga ˈˈplɛ ˈka.

ˈMan nu ü gbadhɛ ˗bha ˈyö n zuʋ̈ˈˈ ˈwaannu.

A ˗dho n ˗de nu ü ˗dhɔkësü ˗dhɛ.

ˈˈTʋ̈ŋ ˈˈplɛ ˈka n ˗man ꞊sɔŋ yaa n zuʋ̈ˈˈ ˈˈdhiʋ̈ ˗tɛ.

A ˗bhɛɛ ü ˗dhɛ n Dë, n ˗bhawɔn ˈto.

Ü ˗bha ˈˈklʋʋsë ˗nu ˗wo n ˗zo ˗gban ˗gɛn ˈka.

Ü ˈˈnuɛ ˈgbɛ ˈpö yi ˗gɔ ˗ta ˈdhɔ ˗sü ˗bha.

2. Ü ˈˈnuɛ n Dë ˗Zlan n ˗gan ü ˗bha ˗sü ˗bha.

Ü ˗bha ˗dhɔ ˈnën n ˗kë mɛn suu ˗dɛɛ ˈka.

Ü dɔ ˗sü waa ü ˗dhɔkë ˗kɔ ˗zɔn n ˗dhɛ.

˗Bhö ˗klu ü ˗bha ˗kɔ ꞊dede ˗zɔn n ˗dhɛ.

Ü ˈˈnuɛ ˈgbɛ ü ˗bha ˗zuu ˗nu n ˗dhɛ ˗sü ˗bha.

Ü ꞊faan ˗nu n ˗dhɛ kö ˈa ˗zlanwopö.

˗Zoyödhe waa ˗dekëtɩɩsü nu n ˗dhɛ,

ˈYö ˗tɔ ˈˈklʋʋsë ˗nu bhë ˗wo ü ˗dhɛ ˗së.