ˈˈTAN 38
Zoova ˗dho ü ˈgü kë ˈˈgbɩɩ˗
(1 Piɛdhö 5:10)
1. ˗Zlan ˗ya ü bho ˗dhɛtiidhɛ ˈgü, ˈbha tɛanwɔn dɔ.
ˈPë ˗kë ˈö˗ ˗kë ˈˈdhʋ̈ bhë ˗a ˗gɛn ˗yö ˗dhö.
˗Ya ˗dhɛ ˗ga ü zuʋ̈ˈˈ ˈgü, ˗a dɔ ˗dhɔ ˗yö ü ˗bha,
ˈÖ ˈwɔn ˗së kë ˗dhɔ ˗yö ü ˗kë ˗kplawo.
ˈBha ü ˗de nu kö ˈü˗ dhɔɔbhaawɔn kë,
˗Yö ˗dho ü ˗takun ˈˈtʋ̈ŋ ꞊gban ˗tʋ̈ŋ ꞊gban ˈgü.
(˗A ˈKUN ˗KƆ)
˗Zlan ˗dho ü ˗takun,
ˈyö ˗tɔ ꞊dhɛ ˗ya ü ˗gɔ ˗ta ˈdhɔ
Ö gbö Yesu ꞊ɲɔɔn ˈka.
˗Yö ˗dho ü gba ꞊faan ˈka,
˗Yö ˗dho ˈˈdhiʋ̈sü ü ˈka,
ˈö ü ˗takpa ˈˈtʋ̈ŋ ˈˈplɛ ˈka.
˗Ya ˈˈpiʋ̈ ü ˈgü kë ˈˈgbɩɩ˗,
˗Yö ˗dho ꞊faan nu ü ˗dhɛ.
2. ˗Zlan ˗we ˗a ˗bha ˈö˗ Gbö Yesu ga ü ˗wɔn ˈgü.
˗Ya ˗kë ˈˈdhʋ̈ kö ˈü dha ˈwɔn ˈˈgbɩɩ˗ ˗nu ˗gɔ.
˗A kë ˗sü kö ˗yö ö ˗de Gbö nu ü ˗wɔn ˈgü,
Yö ˈnën˗ ˗zɔn ꞊dhɛ ü ˗dhɔ ˗ya ˗kë ˗kplawo.
˗A ˗zo ˈyii ˗dho bhɔ ü këwɔn ˗nu ˈka.
Yö ˈnën ˗dho ü ˗takun ˈˈtʋ̈ŋ ˈsaadhö ˈka.
(˗A ˈKUN ˗KƆ)
˗Zlan ˗dho ü ˗takun,
ˈyö ˗tɔ ꞊dhɛ ˗ya ü ˗gɔ ˗ta ˈdhɔ
Ö gbö Yesu ꞊ɲɔɔn ˈka.
˗Yö ˗dho ü gba ꞊faan ˈka,
˗Yö ˗dho ˈˈdhiʋ̈sü ü ˈka,
ˈö ü ˗takpa ˈˈtʋ̈ŋ ˈˈplɛ ˈka.
˗Ya ˈˈpiʋ̈ ü ˈgü kë ˈˈgbɩɩ˗,
˗Yö ˗dho ꞊faan nu ü ˗dhɛ.
(Kpɔɔˈˈ Wlɔ. 8:32; 14:8, 9; Ebl. 6:10; 1 Piɛ. 2:9 ˗bha.)