ˈPë ˈü ˗dho ˗a pö, mɛn ˗nu ˗wa ˈgüman ˗së ˈka

1 Kodhɛngtö 14:9

ˈPË ˈÜ DHO ˗A KË: ˗Bhö ˈˈtʋtomɛn ˗nu ˗takun kö dhiaŋ ˈü˗ zë ˗ni ˈgü, ˗wa ˈgüman ˗së ˈka.

Ü ˗DHO ˗A KË ˗KƆ ˗KË ꞊DHƐ?:

• ˗Bhö ü ˗de baaˈˈ ˗së ˈka. ˈWɔn ˈü ˗dho ˗a ˈgü ˈˈpʋ, ˗bhö ˗a draanˈˈ kö ˈü˗ ˈgüman ˗së ˈka, kë ˈˈdhʋ̈ kö ˈü ˗a ˈgü ˈˈpʋ ˈkpakpadhö ü ˗de ˗bha dhiaŋ zë ˗kɔ ˈka.

• ˗Bhö bɔ ˗wo ˗bhüöö kpö ˈsɛnsɛn˗ ˗nu ˈö ˗an ˈgümansü ˈyaa ˈˈgbɩɩ˗, ˗an ˗ta. ˈKö ˗kë ꞊dhɛ ˗wo ˗bhüöö ꞊gblɛɛn ˗nu ˈwaa ˈya˗, ˗bhö bɔ ˗wo ˗bhüöö ꞊klöö˗ ˗nu ˗ta kö ˈwɔn ˈö ˗dho ˈto mɛn ˗nu ˈˈɲaan ˈü˗ pö.

• ˗Wo kpö ˗nu ˈö mɛn ˗nu ˈwaa ˗an dɔ, ˗bhö ˗a ˗gɛn pö. ˗Wo kpö ˗nu ˈö mɛn ˗nu ˈwaa ˗an dɔ, ˈbha ˈdho ˗an pö ꞊va. ꞊Ya kë ꞊dhɛ ˈü pë ˈbha ˗wɔn blɛɛˈˈ ˗ni ˈgü, ˗yö ꞊mɔɔn˗ ˗bha kö ˗yö kë mɛn ˈbha ˈö Biblö ˈgü, pë ˈˈdhʋŋ ˗kɔ zii ɛɛnˈˈ wɔkɔ ˈbha ˈö mɛn ˗nu ˈwaa˗ dɔ ˗së ˈka ˗an ˈka, ˗bhö ˗a ˈgü ˈˈpʋ ˗an ˗dhɛ.