ˈWɔn ˗nu ˈwo ˗dho ˗gleŋ ˗da mɛn ˗nu ˗bha, ˗an blɛɛˈˈ

1 Kodhɛngtö 9:19-23

ˈPË ˈÜ DHO ˗A KË: ˗Bhö ˗a kë kö ˈˈtʋ̈tomɛn ˗nu ˗wo wo ˗zota, kö ˗yö kë ˗an ˈˈɲaan ꞊dhɛ ˗wa pë ꞊bhlëësü ˈbha draanˈˈ.

Ü ˗DHO ˗A KË ˗KƆ ˗KË ꞊DHƐ?:

• Pë ˈö ˈˈtʋtomɛn ˗nu ˈwo˗ dɔ ˈsaadhö ˗bhö ü ˗zoto ˗a ˈˈpiʋ̈. ˈBha ˈdho ˈwɔn ˗nu ˈö ˈˈtʋtomɛn ˗nu ˗wa dɔ ˈsaadhö ˗a blɛɛˈˈ dosɛnŋ. ˗Bhö ˗an ˗takun kö ˈwɔn ˈü˗ ˈgü ˈˈpʋ ni ˈgü bhë, ˗wa ˈgüman ˗kɔ ˗dɛɛ kë.

• Pë ˈü ˗dho ˗a blɛɛˈˈ, ˗bhö ˗an mɛɛnˈˈ, ˗bhö ü ˗zota ˗an ˈgü. ꞊Ya kë ꞊dhɛ ˗a ˈˈsɩ ˗ya kë ü ˗dhɛ, ˈwɔn ˈü˗ blɛɛˈˈ ˗ni ˈgü, ü ꞊mɔɔn˗ ˗bha ˈü˗ ˈgü ˈˈpʋ ˈwɔn ˗nu ˈö mɛn ˗nu ˈwaa˗ dɔ ɛɛnˈˈ ˈü ˗an man ˗an ˈka. ˈWɔn ˗nu ˈü ˗dho ˗an blɛɛˈˈ waa ˗kɔ ˈwo ˗gban ˗a ˈka ˈwɔn ˗nu ˈü ˗an ˈˈpiʋ̈ kö ˈü ˗an ˈgü ˈˈpʋ ˗an ˈka ˗a ˗bha, ˗bhö ü ˗zota ˗an ˈgü.

• ˈWɔn ˈü˗ blɛɛˈˈ ˗ni ˈgü, ˗kɔ ˈö ꞊mɔɔn˗ ˗bha kö ˗yö ˈˈtʋtomɛn ˗nu ˗takun ˗a ˈka, ˗bhö ˗a ˗zɔn. ˈPë ˗kë ˈö Biblö ˗bha ˈtɔŋ˗ ˗nu ˗ya ꞊bhlëë ˈgü ˗sü ˈdhö ˗së kwa ˗bhaa ˈka, ˗bhö ˗a ˈgü ˈˈpʋ. ˈWɔn ˗nu, ˗zotakɔ ˗nu waa ˈˈta ˗kɔ ˗nu ˈwo ˗gban vɛɛdhö ˈˈtʋtomɛn ˗nu ˗bha, ˗bhö wo ꞊nën ˗an blɛɛˈˈ.