˗Bhö ü ˈgü dɔ ˈˈgbɩɩ˗ kö ˈü ˈpa mɛn ˗nu zuʋ̈ˈˈ ˈka

Proverbes 3:1

ˈPË ˈÜ DHO ˗A KË: ˗Bhö ˈˈtʋtomɛn ˗nu ˗takun kö ˈwɔn ˈü˗ blɛɛˈˈ ˗ni ˈgü, ˗wa ꞊bhlëë dɔ kö ˗wa ˈgü ˗ta ˈsü.

Ü ˗DHO ˗A KË ˗KƆ ˗KË ꞊DHƐ?:

• ˈˈTʋtomɛn ˗nu ˗takun kö ˗wo wo ˗de ˗ga. ˗Bhö dhɛɛˈˈ ˗nu ˈwo ˗dho ˈˈtʋtomɛn ˗nu ˗takun kö ˗wo wo ˗de zuʋ̈piʋ̈wɔn ˗nu ˗ga, ˗an ˈkpɔ.

• ˗Bhö ˗an ˗blü ˈwɔn ˗së kë ˗sü ˗bha. ˗Bhö ˗a kë kö ˈˈtʋtomɛn ˗nu ˗wo wo ˗zota ˈpë ˗kë ˈwo ˈwɔn ˗së ˗kë, ˗a ˈgü. ˗Bhö ˗a kë kö Zoova, ˗an këyoo waa ꞊klaŋwo ˗nu ˈwo Biblö ˈgü ˗an ˗dhɔ ˗bha ˗an kë ˗sü ˗yö ˗an ˗blü ˈwɔn ˗së kë ˗sü ˗bha. ˗Bhö ˈˈtʋtomɛn ˗nu ˗takun kö ˗wa yö ꞊dhɛ pë ˈö Biblö ˗ya pö ˗yö ˗së. ˈBha ˈdho ˗a kë kö ˗an zuʋ̈ˈˈ ˗yö za dɔ ˗an ˗bha. Ü ˗bha ˈˈdhɛɛtadhiaŋ˗ dua ˗mü kö ˗yö ꞊faan ˗da ˈˈtʋtomɛn ˗nu ˈgü, kö ˗yö ˗an ˗blü ˈwɔn ˗së kë ˗sü ˗bha.

• ˗Bhö ˗a kë kö ˗wo wo ˗zoyö Zoova ˗dhɛ. ˗Kɔ ˈö ꞊klaŋwo, ˈtɔŋ˗ ˗nu waa ˈtɔŋ˗ ˗gɛngbandhɛ ˗nu ˈwo Biblö ˈgü ˈwo Zoova ˗bha ˈˈklʋʋsë ˗nu waa˗ ˗bha mɛnbhɩɩdhe ˗dhɔ ˗zɔn ˗a ˈka, ˗bhö ˗a ˗zɔn ˈˈtʋtomɛn ˗nu ˗dhɛ. ˗Bhö ˗a kë kö ˈˈtʋtomɛn ˗nu ˗wo wo ˗zota Zoova ˗wɔn ˈgü, kö ˗kë ˗a ˗dhɛ ˗së ˗sü ˗dhɔ ˗yö ˗an ˗kë.