˗Bhö gagade ˈö mɛn ˗zokun ˗a blɛɛˈˈ

Dhukö 1:3

ˈPË ˈÜ DHO ˗A KË: ˗Bhö ˈwɔn ˗nu ˈwo gagade ˈka ˗an blɛɛˈˈ kö ˈü ˈˈtʋtomɛn ˗nu ˗takun kö ˗wo ˗gleŋ ˈsü ˗an ˈgü.

Ü ˗DHO ˗A KË ˗KƆ ˗KË ꞊DHƐ?:

• ˈWɔn ˈü dho ˗a blɛɛˈˈ ˗yö ˈgo ˈsëëdhɛ ɛɛnˈˈ mɛn ˗nu ˈwo gagade pö ˗an ˈˈpiʋ̈. ꞊Ya kë ꞊dhɛ ˈü ꞊mɔɔn˗ ˗bha, ˗bhö ü ˗bha dhiaŋ ˗gban ˗Zlan ˗Wo ˗ta, ˗a ˗wo pö ˗sü ˈka vɛɛdhö. ꞊Ya kë ꞊dhɛ ˈwɔn ˗nu ˈö ꞊klaŋ ˈˈgblʋ̈gblʋ̈ ˗nu ˗wa pö, ɛɛnˈˈ ˈwɔn ˈbha ˈö ˗kë, ü˗ ˈˈpiʋ̈ kö ˈü ˗an pö, ˗bhö ˗dhɛga ˗be ꞊ya kë ꞊dhɛ ˈwo gagade ˈka kö ˈü˗ ˈwɔn dɔ.

• ˗Bhö yö kë ˗së ˈka ü ˗bha yö ˗gɔ ˈgodhɛ ˈka. Ü ˗bha Biblö ˈˈɲan ˈgü ˈˈpʋ ˗kɔ ˗yö ˗bɛ pë ˈö Biblö waa «Gwëëmi ˗towʋtasü ˈö ꞊kpaɔsü» ˗nu ˗wa pö, ˗an ˗bha. (Dhu. 12:42) ꞊Ya kë ꞊dhɛ ˈü˗ ˈˈpiʋ̈ kö ˈwɔn ˈbha ˗nu ˈö ˈwii ˈgo Biblö ˈgü ˈü ˗an blɛɛˈˈ, ˗yö ˗bɛ ˈpë ˗kë ˈö˗ dëmɛn ˗ya pö ɛɛnˈˈ ˗a ˗bɛn zë ˗a ˗bha.

• ˈWɔn ˗nu ˈü ˗an ꞊blɛɛ, ˗bhö ˗an ˈgü ˈˈpʋ kö mɛn ˗nu ˗wa ˈgüman. ˈBha ü bo Biblö ˈˈɲan ˈbha ˗wo pö ˗sü ˈka ɛɛnˈˈ ˈwɔn ˈbha blɛɛˈˈ ˗sü ˈka, ˗bhö dhɛɛˈˈ ˗së ˗nu ˈkpɔ, ɛɛnˈˈ ˗bhö ˗a ˈgü ˈˈpʋ ˈwɔnzuan ˗nu ˈka kö ˈˈtʋtomɛn ˗nu ˗wo ˗gleŋ ˈsü ˗a ˈgü.