Otȟókahe el Tókhel Wičhóuŋ He?

Jehovah táku wašté óta wičhákʼu. Genesis 1:28

Jehovah wíŋyaŋ Eve he káǧe na he Adam kʼu. Adam wíŋyaŋ he yúze.​—Genesis 2:21, 22.

Jehovah wičhákáǧe héhaŋ tȟawáčhiŋ na tȟaŋčhaŋ hená tágni šíčapi šni.

Garden of Eden el lila okáblaya úŋpi​—oúŋyaŋ kiŋ oíyokiphi na mní óta na wamákȟaškaŋ na čhaŋ waskúyeča óta.

Jehovah wówicȟakiyake na waúŋspepiwičhákiye. Anáǧoptaŋpi háŋtaŋš toháŋčhiŋka makȟá akáŋ níúŋ okíhipi.

Wakȟáŋtȟáŋka čhaŋ kiŋ he waŋžíla etáŋ yúta šni wicáši. Genesis 2:16, 17

Jehovah Adam na Eve čhaŋ waskúyeca waŋžíla wičhákipazo. He yúta háŋtaŋš tʼapi kte.

Oglígle Wakȟáŋ waŋží Wakȟáŋtȟáŋka khipážiŋ. Satan the Devil he e.

Satan hená Jehovah anáwičhaǧoptan čhíŋ šni. Zuzéča wan Eve wókiyaki na he toháŋčhiŋka níúŋ na tʼiŋ kte šni kéye. Čha Wakȟáŋtȟáŋka iyéčhel niksápiŋ kte. Éyaš he ówakȟáŋkȟaŋ.​—Genesis 3:1-5.