Mɛtɛ noo dia iri suba boo bara?

HƐI KA BIBLU CÌ

“Iripkɛɛ . . . ba mɔ̀ɔhari kulu tuusu n sɛ n mɔ̀ɔyo ga, nŋa buyo su ba gonɔ kpɛɛnɛ, ya nɔ̀ bɛrɛɛ, ya nɔ̀ hɛ̃ni, ya nɔ̀ doori máyo. N si kpɛɛnɛ, dom hɛiyo bisa.”—Kaayotɛrɛ 21:3, 4.

HANFAANI FƆ À HINI KA KANAA NOO SƐ

Gbei hɛnnɔ ka bɔrɔ ba sàabu.—Isaïe 65:21-23.

Zaŋɛi au wahala dimi kulu su ba gonɔ kpɛɛnɛ.—Isaïe 25:8; 33:24.

Hunayo hɛnnɔ ka à sinna tikì, noo, noo iyaali nna noo kpaasiyo sɛ.—Psaume 37:11, 29.

IRI BA HINI KA HƐI KA BIBLU CÌ NAANƐ CIMI CIMI?

Ɛ̃ɛ, ba hɛi hinka ganna:

• Irikpɛɛ ba hini ka à ŋmɛnɛ̀ alkawaliyo kɔtɔ. Biblu kuna, Yehowah Irikpɛɛ fɔloŋku nɔ̀ n cɛ “gaabi kulu Kpɛɛ” domi a gaabi sinna tikì. (Kaayotɛrɛ 15:3) À sɛ gana nɔ̀ ka a cì nŋa ba handuniã hinsa a ba hini ka à tɛ. Zaŋa hɛi ka Biblu cì, “Irikpɛɛ dɔ hɛi kulu hini ka tɛ.”—Matiyu 19:26.

• Irikpɛɛ baa a ma a ŋmɛnɛ̀ alkawaliyo kɔtɔ. Yehowah saasa a n bukoyo turani.—Job 14:14, 15.

  Biblu yaara ko ciba ka Irikpɛɛ koo Yesu na zaŋɛikomyo bàabu. Hɛi fɔ ganna a tɛ ya? Ka a bɔŋɔɔ baa ganna. (Maaku 1:40, 41) Yesu ŋmɛnɛ̀ bɔrɔ gàyo bakasinɛ himaa nna a baabɛ ŋmɛnɛ̀.—Yohanna 14:9.

  Hɛiyo wɔ̀ kulu ya nam irii naanɛyo ka Yehowah nna Yesu baa n ma iri gà iri suba ma dua ka boori!—Psaume 72:12-14; 145:16; Piɛɛ Hinkantɛ 3:9.