Mɛtɛ Noo Dia Biblu Bara?
Noo diayo kuna à bara . . .
bɔrɔ bɔnŋɔ beiyo ŋmɛnɛ̀ tila nɔ̀?
jeni-jeni nna dom boroo tila nɔ̀?
de Irikpɛɛ tila nɔ̀?
HƐI KA BIBLU CÌ
“Hantumyo kulu hunu zǎ Irikpɛɛ dɔ.”—Timote Hinkantɛ 3:16.
HANFAANI FƆ À HINI KA KANAA NOO SƐ
Handuniã senni hã hãyo beeri ŋmɛnɛ̀ tutuyo jila.—Proverbes 2:1-5.
Siriyayo ka n ba noo hanfaani hanu kulu.—Psaume 119:105.
Suba ŋmɛnɛ̀ tama hɛnnɔ.—Lomei 15:4.
IRI BA HINI KA HƐI KA BIBLU CÌ NAANƐ CIMI CIMI?
Ɛ̃ɛ, hɛi hinza ganna:
A mɛɛ fɔ̀ taka si. Jiri 1 600 kuna nɔ̀ Irikpɛɛ diyàyo zaŋa bɔrɔ ŋmaani ŋmaani 40 na Biblu hantum. N tutuuma na taba ka di cɛrɛ. Ama n hantumyo kulu sawa cɛrɛ ga, ka hunu tila fɔ̀!
Dom senniyo ka n tɛ n deede ga. Tila tutuuma hantumkpɛɛyo cin ka n bɔnŋɔyo nna n boroo taaliyo tuku. Ama Biblu hantumkpɛɛyo coroo zǎ n bɔnŋɔyo nna n boroo taaliyo kulu nɔ̀ n hantum.—2 Chroniques 36:15, 16; Psaume 51:1-4.
Andebiyo senniyo ka bɔrɔ ba naanɛ. Zǎ à cinni jiri 200 nɔ̀ Biblu dom cì ka jisi ka Babiloni kpaarà ba kà kam. (Isaïe 13:17-22) À yaara ka feifei yaasi ka à ba kà kam nna wɔ ka a ba kà ka à zeeri maa kulu!—Isaïe 45:1-3.
Biblu kuna andebiyo senniyo tutuuma ka n gonɔ yaa tɛ deede nna n feifeiyo kulu. Ancii hɛi ka a himaa n na Tila ka a hunu zǎ Irikpɛɛ dɔ naa?—Piɛɛ Hinkantɛ 1:21.
WƆ LASABU À GA
Mɛtɛ Irikpɛɛ Tila ba hini ka noo hunayo booriyani?
Noo ba dua à tutuyo Biblu kuna nunŋuyo wɔ̀: ISAÏE 48:17, 18 nna TIMOTE HINKANTƐ 3:16, 17.