Ifɔ Nɔ̀ Irikpɛɛ Kpeitɛrɛ?

HƐI KA BIBLU CÌ

“Irikpɛɛ ka a gonɔ bɔnŋɔ dɔ ba kà ka a kpéitɛrɛ ka n su hini ka dɔu sinŋi.”—Daniel 2:44, Traduction du Monde Nouveau.

“N na iri nɔ koo fɔ̀, nŋa n na kpéitɛrɛ tɛkɛ a jɛsɛ̀ ga.”—Isaïe 9:6; feeriji gannà gannà mɛɛcinɛ̀ tɔntɔni.

HANFAANI FƆ À HINI KA KANAA NOO SƐ

• Kpéitɛrɛ hɛnnɔ ka à ba ni bɔnŋɔ hanfaani.—Isaïe 48:17, 18.

• Handuniã taagɔ di kuna, alafia hɛnnɔ nna binɛyeiyo hɛnnɔ ya bo gonɔ.—Kaayotɛrɛ 21:3, 4.

IRI BA HINI KA HƐI KA BIBLU CÌ NAANƐ CIMI CIMI?

Ɛ̃ɛ, ba hɛi hinka ganna:

• Yesu dom ciba hɛi ka Irikpɛɛ kpéitɛrɛ ba kà tɛ. Yesu dom na a ganakpɛɛyo ciba n ma ŋmaarɛ Irikpɛɛ kpéitɛrɛ ma kà nna Irikpɛɛ binɛbaa ma tɛ̀ gannà wɔ̀ kuna. (Matiyu 6:9, 10) Yesu ciba mɔ̀ɔ yaasi ka Irikpɛɛ ba ŋmaarɛyo di tà.

  Saa ka Yesu dom gonɔ gannà wɔ̀ bɔnŋɔ, a dom na hɛ̀ɛrɛ̀komyo ŋmaarani, ka zaŋɛikomyo baabu, ka bukoyo turani! (Matiyu 15:29-38; Yohanna 11:38-44) Ka nŋa ya ba kà kpéitɛrɛ ŋmaa Irikpɛɛ kpéitɛrɛ kuna nŋa ya nam a dom na iri tabani hɛi ka irikpɛɛ kpéitɛrɛ ba kà tɛ a boroo sɛ.—Kaayotɛrɛ 11:15.

• Hɛi ka à tɛ̀ handuniã kuna cibayo ka irikpɛɛ kpéitɛrɛ maani kàyo. Yesu dom cì ka jisi ka de à kà cini cɛɛnɛ Irikpɛɛ kpéitɛrɛ ma kanaa laakari kaniyo gannà sɛ, iri handuniã ba kà tɔ̀ nna bi ŋmaani ŋmaaniyo zaŋa honŋuyo, hɛ̀ɛrɛ̀ nna gannà zigizigiyo.—Matiyu 24:3, 7.

  Irii dia hɛiyo wɔ̀ handuniã kuna hɔ̃. De ya iri ba hini ka naanɛ ka à cini cɛɛnɛ Irikpɛɛ Kpéitɛrɛ ma kà hɛi laalɔyo wɔ̀ kulu tuusu.