1 Saamiuel

24 Saŋa na Sɔɔl naŋ da yi a Filiisitiya noba karebo a leɛ wa na, ba da wa yelkooŋ ka: “Nyɛ! Deevid be la En-geedi wɛgyɛŋ na poɔŋ.” 2 Azuŋ Sɔɔl da de la dɔbɔ 3,000 naŋ kyile a yi Izerayɛl poɔŋ, a gaa ka o bɔ Deevid neŋ o dɔbɔ na a pi-bɔgre pooreŋ, beŋ ka a tanne zu moɔ poɔ boore maŋ be na. 3 Ka Sɔɔl daaŋ wa ta a peere deri naŋ be a sokpoŋ zuŋ na, beŋ ka pi-bɔge kaŋa da be na, oŋ daaŋ kpɛ be ka o te dɔɔ sɛleŋa, kyɛ Deevid neŋ o dɔbɔ na meŋ da zeŋɛɛ a pi-kpɔgɔ naŋ da be a pi-bɔge puoreŋ na. 4 Ka Deevid dɔbɔ na yelkoo ka: “Zenɛ ŋa la bebiri na Jehoova naŋ yele korɔ bo ka, ‘Nyɛ! N na de la ho dɔndɔmɔ na eŋ ho nuuriŋ, ka ho e o lɛ zaa ho naŋ boɔrɔ.’” Beŋ la ka Deevid da iri a sɔgle te ŋmaa Sɔɔl kpar-kpoŋ baaraa zie na. 5 Kyɛ a puoreŋ, Deevid sukyiri da dɔɔnoo yaga zaa bonso o da ŋmaa la Sɔɔl kpar-kpoŋ baaraa zie na. 6 Ka Deevid da yelko o dɔbɔ na ka: “A ba e yɛlɛ naŋ soma fẽẽ zaa Jehoova nimitɔɔreŋ ka N de a yɛlɛ ŋa tɔ e N daana, neɛ na Jehoova naŋ sɔ naaloŋ kãã, kyɛbee a zɛge N nu a e o yelfaa kaŋa, bonso o eɛ neɛ Jehoova naŋ sɔ naaloŋ kãã.” 7 Azuŋ Deevid da de la a yelbie ŋa pigi o dɔbɔ na sori, o da ba tere sori baŋ e Sɔɔl yelfaa zaa. Ka Sɔɔl daaŋ iri yi a pi-bɔge poɔŋ a gɛrɛ o gaa zie. 8 Ka Deevid iri yi a pi-bɔge poɔ a boɔle Sɔɔl a yelkoo ka: “N daana naa!” Beŋ la ka Sɔɔl da leɛ kaa puore, ka Deevid da le gbi-dumo a kyuli o zu tori teŋɛ. 9 Ka Deevid yelko Sɔɔl ka: “Bonso hoŋ kyɛllɛ wono a dɔbɔ na naŋ yele korɔ bo ka, ‘Nyɛ! Deevid boɔrɔŋ ka o pere bo’? 10 A bebiri ŋa hooŋ meŋɛ nyɛɛ lɛ Jehoova naŋ de bo eŋ N nuuriŋ a pi-bɔge poɔŋ. Kyɛ saŋa na neɛ kaŋa naŋ yelko ma ka N ko bo na, N da zoe ho nembaaloŋ a kyɛ yelka, ‘N koŋ zɛge N nu a e N daana yelfaa zaa, bonso o eɛ neɛ Jehoova naŋ sɔ naaloŋ kãã.’ 11 N saa, hooŋ meŋɛ nyɛ, ɛɛ nyɛ ho kpar-kpoŋ baaraa zie na maŋ ŋmaa a taa N nuŋ na; bonso saŋa na maŋ ŋmaa ho kpar-kpoŋ baaraa zie na, N ba ko bo. Pampana ŋa, hooŋ meŋɛ nyɛɛŋ ka N ba boɔrɔ ka N e yelzaa a pere bo kyɛbee a iri taawae ho eŋɛŋ, ane meŋ N ba e bo yelfaa zaa, kyɛ hoŋ yɔ boɔrɔ ma nimizeɛ̃ ka ho iri N nyɔvore. 12 Jehoova la na di N ne bo sɛrɛɛ, Jehoova la na yaa N sane ho eŋɛŋ, kyɛ maaŋ yɛŋ koŋ de N nu seene bo a e bo yelfaa zaa. 13 Aŋa lɛ na a takoreŋ saŋa noba naŋ maŋ lɔɔ sekpɔgree ka, ‘Neŋfaare zie ka faaloŋ maŋ yi wa,’ kyɛ maaŋ yɛŋ koŋ de N nu seene bo a e bo yelfaa zaa. 14 Nembuo ka Izerayɛl naa yi a yɔ boɔrɔ nimizeɛ̃? Nembuo hoŋ kara? Ba kũũ bee? Kyɛbee naazoɔ bonyenaa? 15 Jehoova na eɛ te sɛre-ŋmaara, onaŋ na di N ne bo sɛrɛɛ, ona nyɛŋ a yelka N deme bebeŋ a di N sɛrɛɛ a faa ma yi ho nuuriŋ.” 19 Nembuoŋ na nyɛ o dɔndɔmɔ a baroo ka o gaa zaala? Jehoova na ko boŋ kyɔɔta-soŋ neŋ lɛ na hoŋ e ko ma zenɛ na. 20 Pampana nyɛ! N baŋɛɛŋ peɛlaaŋ ka ho na eɛ naa, ho nuuriŋ meŋ la ka a Izerayɛl paaloŋ naaloŋ na na be.