Yiibu

3 Ka Moosis da kyeenɛ o deɛma Gyɛtro peere, onaŋ da e a Miidiya deme ŋmenpuore wedeɛrɛ na. Ka Moosis da kyeeŋ a peere gyili gaaneŋ a mɔpiri puoreŋ a te ta Hɔrɛb, a yelmeŋɛ Naaŋmen taŋkpɛŋ na. 2 Beŋ ka Jehoova maleke da iri o meŋɛ wuli o a yi vũũ zele kaŋa naŋ dire mɔ-maara eŋɛŋ. Ka Moosis linni, a nyɛ a vũũ zele naŋ be a mɔ-maara eŋɛŋ, kyɛ a mɔ-maara da ba dire. 3 Beŋ la ka Moosis yeli: “N na leɛ beɛ nyɛɛ a yelseɛlee ŋa a baŋ bon na zuŋ a moɔ naŋ ba dire.” 4 Saŋa na Jehoova naŋ wa nyɛ ka Moosis beɛ yɛŋ ka o linni, ka Naaŋmen boɔloo a yi a moɔŋ a yeli: “Moosis! Moosis!” oŋ sage ka: “Nyɛ ma kyɛ.” 5 Beŋ la ka Naaŋmen yeli: “Ta wa tagra tara kyɛ. Nyɔge ho nataba fo ho gbɛɛŋ, bozuŋ zie na hoŋ are na eɛ zie naŋ e forifori.” 6 Ka Naaŋmen lɛ yeli: “Maaŋ la ho saa Naaŋmen, Aboraham Naaŋmen, Aziki Naaŋmen, ane Gyekɔb Naaŋmen.” Beŋ la ka Moosis pɔge o nimisogɔ, bozuŋ o da zoree dabeɛ̃ ka o linni a yelmeŋɛ Naaŋmen. 7 Ka Jehoova yeli: “N sereŋkɔne nyɛɛ N noba naŋ be Igyipiti dɔgɛɛ ba naŋ dire, N woŋee ba konni ba naŋ kono ba tontoŋ nembɛrɛ na zuŋ; Bozuŋ N baŋɛɛ ba woore meŋ yɛlɛ. 8 Azuŋ N na sigi wa deɛ baŋ a yi a Igyipiti noba nuuriŋ kyɛ de ba yi a paaloŋ ŋaŋ gaaneŋ paaloŋ naŋ soma a e yɛloŋ a pa neŋ beroŋ ane siire, naŋ e Keenan noba, Hiit noba, Aamor noba, Pɛriz noba, Hiiv noba ane Gyeebus noba teŋɛ. 9 Nyɛ! N Izerayɛl noba na konni na zaa ta maŋ, maŋ nyɛ ba dɔgroŋ na a Igyipiti noba naŋ dɔgrɔ ba. Lɛ zuŋ wa, N na toŋ boŋ Faaro sɛŋ, ka ho te taa a Izerayɛl noba ŋa yi neŋ Igyipiti waneŋ.” 12 Beŋ la oŋ yelkoo ka: “N na be la ho zieŋ, yelwulaa naŋ na wuli bo ka maaŋ la toŋ bo la ŋa: Ka hooŋ wa de a noba weɛ a yineŋ Igyipiti, yɛ na wa puoree a yelmeŋɛ Naaŋmen a taŋa ŋa zuŋ.”