Yieme
17 Oo Jehoova, kyɛlle woŋ konni na maŋ kono sɔrɔ a boɔrɔ dantorii na; Kyɛlle woŋ konni na maŋ kono sɔrɔ a boɔrɔ sommo na; Kyɛlle woŋ N puore sɔroo naŋ yire N sukyiriŋ na. 2 Are N gbɛbɔgriŋ a di sɛrɛɛ naŋ tori ko ma; Vɛŋ ka ho nimie nyɛrɛ yɛlɛ naŋ tori. 3 Ho peɛrɛɛ N sukyiri poɔ yɛlɛ zaa, ho maŋ peɛre maŋ zisoɔree saŋa; Ho pɛge maŋ maŋ yi velaa zaa; Ho na nyɛŋ ka N ba gyieli N sukyiriŋ ka N e yelfaa zaa, Ka N noɔre meŋ ba yeli yɛlɛ naŋ ba seŋ neŋ. 4 A kyaare nensaaleba yel-eree, A tuuro ho nɔ-gbama yelbie eŋɛŋ, N tagɛɛ N meŋɛ yi naŋnyig-kpeɛne soe poɔŋ. 5 Vɛŋ ka N gbɛ kyɛnee be ho sori na poɔŋ Ka lɛ vɛŋ ka N gbɛre ta wa bire. 6 Oo Naaŋmen, N maŋ boɔle boŋ, bonso ho na sagɛɛ N boɔlɔ na. Begi toori, a kyɛlle woŋ N yelbie. 7 Tu soseɛlee eŋɛŋ a wuli te yelmeŋɛ nɔmmo, Oo Soba na naŋ maŋ faa noba naŋ zoro gɛrɛ o nuduloŋ a boɔrɔ lirizie Faa ba yi noba naŋ derɛ taawae ho eŋɛŋ. 8 Go ma taa aŋa ho nimi-gyɛlee; De ma sɔgle ho begɛ dasuoloŋ poɔŋ. 9 Go ma yi neŋfaare naŋ zɔɔrɔ ne ma zieŋ, Faa ma yi N dɔndɔnne naŋ e nensaaleba naŋ na baŋ kpi a ŋmaa gyeere ma na nuureŋ. 10 Ba sukyie darɛɛŋ; Ba maŋ de la ba nɔɛ a yele taŋkaŋyɛlɛ; 11 Pampana ŋa ba wa pigi teŋ; Ba maŋ kaara boɔrɛɛ vuo ka ba vɛŋ ka te le. 12 O waa ŋa gbegni naŋ nyɔge duŋo a perɛ o meŋɛ ka o tagoo kyore, O waa ŋa gbeŋ-pɔlee naŋ sɔgle zie kaŋa kyɛ gu. 13 Oo Jehoova, vaa iri a tuoroo, a baare o yɛlɛ; De ho zɔɔzɔɔsoɔ na faa ma yi neŋ neŋfaare nuureŋ; 14 Oo Jehoova, de ho nu na faa ma, A yi a donɛɛ ŋa noba nuureŋ, bana ka a nyɔvore ŋa e ba kyɛŋ na, Bana hoŋ maŋ ko ba bonsonne aŋ seŋ ba na Banaŋ maŋ bare kyɛŋ a ko ba biiri naŋ e yaga na. 15 Kyɛ maaŋ yɛŋ, sontuubu poɔŋ maŋ na nyɛ ho niŋesogɔ; Ka maaŋ wa iri a nyɛ ho niŋesogɔ, a maŋ vɛmeŋ maŋ taa sukyirimaaroŋ.