Yieme
51 Oo Naaŋmen, wuli ma nimibaaloŋ, a tuuro ho yelmeŋɛ nɔmmo na eŋɛŋ. Tu ho nembaalonzoe naŋ e kpoŋ na eŋɛŋ a kyɛ eɛre N bege saammo bare. 2 Pɛge ma ka N yi N gbɛ-ŋmɛ na poɔŋ fanana, A pɛge ma ka N yi N faaloŋ zaa poɔŋ. 5 Nyɛ! Faaloŋ poɔŋ la baŋ dɔge ma, Faaloŋ poɔŋ meŋ la ka N ma taa N poɔ. 6 Nyɛ! Neɛ naŋ e yelmeŋɛ soba o sukyiriŋ la maŋ korɔ bo popeɛloŋ; Wuli ma ka N taa yɛŋ meŋɛ N sukyiri poɔŋ. 9 Iri ho nimisogɔ yi N yelfaare eŋɛŋ, A eɛre N gbɛ-ŋmɛ zaa bare. 10 Oo Naaŋmen, maale sukyiri naŋ pɛgeyi eŋ ma, A de vooroŋ naŋ e paalaa eŋ ma, vooroŋ naŋ are kpeɛŋaa. 11 Ta wa derɛ ma yire ho nimitɔɔreŋ a lɔɔrɔ; Ta wa ire ho vooroŋ soŋ na yire N eŋɛŋ. 12 Leɛ vɛŋ ka N taa ho faabo popeɛloŋ na; Soŋ ma ka N taa a boɔbo ka N sagra ho nɔɛ. 14 Oo Naaŋmen, N faabo Naaŋmen, faa ma yi zĩĩ sane diibu eŋɛŋ, Ka lɛ vɛŋ ka N zele de popeɛloŋ manna ho sontuubu yɛlɛ. 17 Sareka naŋ pɛlɛ Naaŋmen poɔ la neɛ eŋɛ zaa naŋ kyoɔre; Neɛ sukyiri naŋ kyɛre a ŋmore, Oo Naaŋmen, ho koŋ zagroo bare.