Gyɔɔn

19 Ka Pilato da de Yezu tere baŋ feɛ o yaga. 2 A sogyare da de la goore wuo nazupili a de vɔgle Yezu a kyɛ lɛ de kpareze-kpoŋ su o, 3 a sogyare da maŋ wa la o zie a wa yelkoo ka: “Ho yaane, hooŋ naŋ e a Gyuumine Naa!” A kyɛ da maŋ fale o niŋesogɔ. 4 Ka Pilato da leɛ yi a yeŋeŋ a te yelko ba: “Yɛ nyɛ! N de oŋ waneŋ a yeŋe kyɛ, ka yɛ menne na nyɛ ka N ba nyɛ faaloŋ zaa o eŋɛŋ.” 5 Ka Yezu da wa yi a yeŋe, a da vɔgle a goore nazupili a kyɛ su kpareze-kpoŋ. Ka Pilato yelko ba ka: “Yɛ nyɛ! A dɔɔ la ŋa!” 6 Kyɛ, saŋa na a ŋmenpuore wedeɛreba ane a ŋmenpuoredie tontonneba naŋ da wa nyɛ o na, ba da kyeerɛɛŋ a yelka: “Yɛ kpa o a daa zuŋ! Yɛ kpa o a daa zuŋ!” Ka Pilato yelko ba: “Yɛ menne de o gaa a te kpa o a daa zuŋ, bonso maaŋ yɛŋ ba nyɛ yelfaa zaa o eŋɛŋ.” 7 Ka a Gyuumine da yelkoo ka: “Te taa la bege kaŋa, a bege meŋ wuleeŋ ka aseŋ ka o kpi, bonso o yelka o waa la Naaŋmen bidɔɔ.” 16 Beŋ la ka Pilato da de Yezu tere ka ba te kpa o a daa zuŋ. Azuŋ ba da nyɔgɛɛ Yezu gɛrɛ neŋ. 17 Ba da vɛŋɛɛŋ ka Yezu tuo a daa, o da tuo o la gaaneŋ zie na baŋ boɔlɔ ka Zukɔɛ Zie, be baŋ boɔlɔ Hiburu kɔkɔre poɔŋ ka Golʹgo·tha. 18 Beŋ baŋ da te kpaaroo, a da kpaare dɔbɔ bayi o lomboeŋ, kaŋa da be la o duluŋ ka kaŋa meŋ be o gɔɔŋ, kyɛ ka Yezu da be ba seŋsooreŋ.