Luka

7 Bebiri na baŋ maŋ di a Boroboro Naŋ Ba Taa Bilɛ Tigri na da taɛ la, a bebiri aŋ seŋ ka ba iri a Parebare sareka na; 8 azuŋ Yezu da toŋ la Piita ane Gyɔɔn, a yelko ba ka: “Yɛ gaa a te nare a Parebare ko te ka te wa di.” 9 Ka ba yelkoo ka: “Yeŋ ka ho boɔrɔ ka te gaa te nare a Parebare ko bo?” 10 Ka Yezu yelko ba ka: “Nyɛ! Ka yɛneeŋ wa kpɛ a teŋkpɛŋ poɔ, dɔɔ kaŋa naŋ taa yuori na tuore yɛ la. Yɛ tuuruu a te kpɛ a die na poɔ oŋ na kpɛ. 11 Yɛ yelko a die daana ka, ‘A Wulwulo soorɔŋ ka: “Yenee ka a saamma die be ka N neŋ N potuuribo na laŋ di a Parebare beŋ?”’ 12 A dɔɔ na wuleeŋ peɛ die kaŋa naŋ e kpɛŋ ba naŋ maale o poɔ velaa zaa. Yɛ nare a Parebare beŋ.” 13 Azuŋ ba da gaaɛ la a te nyɛ o aŋa lɛ na oŋ manne ko ba na, beŋ baŋ da nare a Parebare. 14 Saŋa na a wagre naŋ wa ta na, Yezu neŋ a bitontonee da zeŋɛɛŋ ka ba di bondirii tabule zuŋ. 15 Ka Yezu yelko ba ka: “N eŋɛ nyagraŋ yaga zaa ka N ne yɛ di a Parebare ŋa sɛre kyɛ ka N di dɔgɛɛ; 16 bozuŋ N yele korɔ yɛŋ ka, N koŋ lɛ di o zaa a te ta saŋa na aŋ na wa nyɛ eebo Naaŋmen Naaloŋ na poɔŋ.” 17 O da deɛ la a ŋmanlee a puore Naaŋmen bareka a kyɛ yelka: “Yɛ de a ŋmanlee ŋa a poŋ ko taa a wa gyili, 19 Ane meŋ, o da de la a boroboro, a puore Naaŋmen bareka, a nyɔge ŋmaa ŋmaa, a de ko ba, a kyɛ yelka: “A boroboro are ko la N eŋdaa, o na maŋ na de tere a yɛ zuŋ na. Yɛ maŋ erɛ a ŋaa a leɛteɛrɛ N yɛlɛ.” 20 Lɛ oŋ da de a ŋmanlee meŋ e saŋa na baŋ da di a zimaanee bondirii baare na, a kyɛ yelka: “A ŋmanlee ŋa are ko la a nɔlaŋ paalaa na, ona maŋ de N zĩĩ na baŋ na kyiri bare yɛ zuŋ na paale neŋ.