Maalakai

16 A lɛ saŋa na noba naŋ zoro Jehoova da di la dama, ba kaŋa zaa ne o tɔsoba la da dire dama, ka Jehoova meŋ da bɛge toorii a kyɛllɛ. Ba da sɛgɛɛ noba na naŋ zoro Jehoova ane noba na naŋ teɛrɛ o yuori yɛlɛ na eŋ o teɛroo gane na poɔ. 17 Sogya-muno daana Jehoova yeleeŋ ka, “Ba na eɛ N soobu, a yi bebiri na maŋ na kaa iri ba ka ba e N kyɛŋ naŋ e o yoŋ na. N na wulo baŋ nimimaaroŋ, aŋa lɛ dɔɔ naŋ maŋ wulo o bidɔɔ naŋ tonɔ koroo nimimaaroŋ na. 18 A lɛ saŋa na, yɛ na lɛ nyɛɛ wɛltaa naŋ be sontuuro ane neŋfaa kpakyagaŋ, a nyɛ wɛltaa naŋ be neɛ naŋ puoro Naaŋmen ane neɛ naŋ ba puoroo kpakyagaŋ.”