Yieme

15 Oo Jehoova, nembuoŋ hoŋ na deɛ saannoŋ a kpɛ neŋ ho tɛnte na poɔ? Nembuoŋ na baŋ zeŋ ho taŋ-forifori na zuŋ? 2 Neɛ naŋ ba taa sããnaa zaa o sokyenee poɔŋ, A maŋ erɛ yɛlɛ naŋ tori A maŋ yele yelmenne o sukyiri poɔŋ. 3 O ba derɛ o zele sããna noba yoe, O ba derɛ yelfaare erɛ neŋ o tɔsoba, O ba yele yɛlɛ naŋ ba seŋ neŋ kyaara o zɔmenne. 4 O neŋ neɛzaa naŋ erɛ yeldɛgɛ ba laŋna erɛ yɛlɛ, Kyɛ o maŋ ennɛɛ noba naŋ zoro Jehoova. Ka onaŋ wa eŋ noɔre o ba leɛrɛ gɛrɛ puore, haali ka a naŋ ba soma koo. 5 Ka onaŋ wa de libie pɛŋ neɛ, o ba eŋnɛ koɔ̃, Ka ba naŋ wa koo bɛnloo boma ka o de a kyɛ e neɛ naŋ ba taa sããnaa yelfaa, o maŋ zagreŋ. Neɛ na zaa naŋ erɛ a yɛlɛ ama daŋ koŋ gbigri zaa.