Yel-iriwulaa

14 Beŋ la maŋ da kaa a nyɛ! Ka a Pilee da are Zaiyoŋ Taŋa na zuŋ, ka noba naŋ ta 144,000 da be o zieŋ, ba da sɛgɛɛ o yuori ane o Saa yuori eŋ ba gberiŋ. 2 Maŋ da woŋ gɔmɔ kaŋa naŋ da gɔŋ yaga zaa sazuŋ aŋa koɔ̃nɛɛ naŋ ŋmeɛrɛ taa, a gɔmɔ da lɛ dɔɔnɔŋ aŋa saa naŋ tanna; a gɔmɔ da waa ŋa noba naŋ ŋmeɛrɛ koriŋgyo a kyɛ yiele. 3 Ba da arɛɛ a nakogi, a bonvobɔ anaare ane a nembɛrɛ nimitɔɔreŋ a yiele yieloŋ paalaa kaŋa neɛzaa naŋ koŋ baŋ yiele ka a noba 144,000 na ba naŋ da yi a teŋɛzuŋ na yoŋ naane. 4 A noba ŋa la ba dɛge ba menne neŋ pɔgeba; yelmeŋɛ zaa, ba eɛ noba naŋ e forifori. Ba na la maŋ tuuro a Pilee zie na zaa o naŋ gɛrɛ. Ba da baŋ a yi nensaaleba poɔŋ aŋa wɔŋ-fɔrɔ a ko Naaŋmen ane a Pilee, 6 N da nyɛɛ maleke yuo ka o ɛgrɛ sazuŋ, o da taaɛ duorisoŋ naŋ ba taa baaraa ka o moɔle ko noba naŋ zeŋ a tendaa zuŋ, a tenne zaa, bale zaa, kɔkɔɛ zaa ane noba zaa. 7 O da yeleŋ neŋ kɔkɔkpeɛŋaa ka: “Yɛ zoro Naaŋmen a kyɛ koroo gyeremɛ meŋ, bonso o sɛrɛɛdiibu saŋa na taɛ la, azuŋ puoro Soba na naŋ maale sazu ane teŋgane ane a mane ane a bulnimie.”