2 Piita

3 A dɛndɛŋ soba, baŋ ka a bebi-baaree saŋa elaareba na waŋ a erɛ noba laara, a kyɛ erɛ yɛlɛ ba vɔlfaare naŋ wulo ba ka ba erɛ 4 a yele ka: “Yenee ka o leɛ waabo noɔre na o naŋ eŋ na be? Bonso, a yi saŋa na te sããkommine naŋ gbiri kũũ poɔŋ, yɛlɛ zaa naŋ kyɛnɛɛ lɛ na aŋ kyɛnɛ a yi boma maaloo piiluu saŋa.” 7 A lɛ yelbiri na neŋ o zu ka a sazu ane a teŋgane naŋ bebe pampana biŋ ko vũũ, ba de aŋ biŋ kyɛnlɛ a sɛrɛɛdiibu bebiri ane bebiri na baŋ na wa sãã a neŋfaare zaa. 8 Kyɛ, N nɔŋneba, yɛ ta wa inne ka Jehoova nimitɔɔreŋ bebi-yenaa eɛ yuomo turi ka yuomo turi meŋ e bebi-yenaa. 9 Jehoova ba naara o nɔ-ennaa yɛlɛ aŋa lɛ noba mine naŋ maŋ teɛre ka o naaraŋ na, kyɛ o diree kannyiri ne yɛ, bonso a ba e o boɔbo ka neɛzaa nyɛ sããmmo, kyɛ o boɔrɔŋ ka neɛzaa toɔ̃ leɛre o eebo. 11 A boma ama zaa naŋ na tu a sori ŋa poɔŋ kyɛ moore na zuŋ, yɛ teɛre nyɛ noba na yɛ naŋ seŋ ka yɛ waa a yi yɛ gyogo naŋ e forifori ane yɛ Naaŋmen puoruu yel-eree poɔŋ, 12 saŋa na yɛŋ kyɛnlɛ a kyɛ vɛŋ ka Jehoova bebiri na naŋ waana wieoŋ na yɛlɛ be yɛ teɛroŋ poɔŋ, a saŋa la ka vũũ na di a sãã a sazu, ka vũũ naŋ tole yaga zaa na vɛŋ ka boma naŋ be o poɔŋ na moore! 13 Kyɛ aŋa lɛ na oŋ eŋ noɔre na, te kyɛnlɛɛ sazu paala ane teŋgaŋ-paalaa, beŋ ka sontuuribo na zeŋ na. 14 Azuŋ, N yɔɔmine N naŋ nɔŋ yaga zaa, aŋa yɛ naŋ kyɛnlɛ a yɛlɛ ama zaa, yɛ mɔɔ yɛ mɔɔbo zaa ka o wa nyɛɛ ka yɛ ba taa dɛgre zaa kyɛbee saanaa zaa, a kyɛ be emmaaroŋ poɔŋ. 15 Ane meŋ, yɛ de te Daana kannyiri diibu na ka a e faabo ko yɛ, aŋa lɛ na te yɔɔdɔɔ nɔŋnaa Pɔɔl naŋ yi yɛŋ na ba naŋ de ko o na poɔŋ kyɛ sɛge ko yɛ na,