Yieme

56 Oo Naaŋmen, zo N nembaaloŋ, bonso nensaalaa naŋ na baŋ kpi la iri zɔɔrɔ ne ma. A bebiri zaa poɔŋ, ba maŋ zɔɔrɔ ne maŋ, a erɛ ma nimikuoŋ yɛlɛ. 2 A bebiri zaa poɔŋ, N dɔndɔnne maŋ erɛ maŋ yɛlɛ naŋ ba seŋ neŋ; Taŋkama zuŋ, ba iri zɔɔrɔ ne maŋ. 3 Saŋa na dabeɛ̃ naŋ wa kpɛ ma, N maŋ de la N meŋɛ a dɛle bo. 4 A Naaŋmen na—yelbiri maŋ pugiro na— A Naaŋmen ŋa maŋ dɛle; N ba zoro dabeɛ̃. Boŋ ka nensaalaa na baŋ e ma? 8 Ho baŋɛɛ N yuoɔbo ziiri zaa. De N neŋtaŋ eŋ ho wuoɔ na poɔŋ. Ho ba sɛgaa eŋ ho gane poɔŋ bee? 9 Bebiri na maŋ na koŋ boɔle bo ka ho soŋ ma na, N dɔndɔnne na noorɛɛ puore. A yɛlɛ ŋa maŋ sagedi peɛlaaŋ: Naaŋmen be la N zieŋ. 10 A Naaŋmen na—yelbiri maŋ pugiro na— Jehoova la lɛ—o yelbiri la maŋ na pugiro— 11 Naaŋmen la maŋ dɛle; N ba zoro dabeɛ̃. Boŋ ka nensaalaa na baŋ e ma? 12 Oo Naaŋmen, N na paalɛɛ nɔɛ na zaa maŋ eŋ ko bo na; N na de la N noɔre yelyelii a puore bo bareka. 13 Bonso ho faa maŋ yi neŋ kũũ poɔŋ Ho ba vɛŋ ka N gbɛɛ meŋ biri, Ka lɛ na vɛŋ ka N kyɛnɛ Naaŋmen nimitɔɔreŋ neŋ-vobɔ kyaanee poɔŋ.