Eezira

1 Pɛɛsiya Naa Sairus naaloŋ diibu dɛndɛŋ yuoni na poɔŋ, lɛ da eɛ la ka yɛlɛ na Jehoova naŋ da tu Gyɛremaiya zie kyɛ yeli na na nyɛ eebo, Jehoova da tɔ la Pɛɛsiya Naa Sairus sukyiri oŋ vɛŋ baŋ moɔle a yɛlɛ ŋa o naaloŋ na zaa, o da vɛŋɛɛŋ baŋ sɛge a yɛlɛ meŋ biŋ, ŋaaŋ oŋ da yeli: 2 “Ŋaaŋ ka Pɛɛsiya Naa Sairus yeli, ‘Jehoova a sazu Naaŋmen na de la a tendaa naalonne zaa ko ma, o toŋ maŋ ka N mɛ die a koo Gyɛruzɛlɛm poɔŋ, beŋ be Gyuudaŋ na. 3 Neɛ na zaa naŋ be o noba na poɔŋ, Naaŋmen na be o soba zieŋ, vɛŋ ka o do gaa Gyɛruzɛlɛm, beŋ be Gyuudaŋ na, a te mɛ Jehoova a Izerayɛl Naaŋmen na die—ona la a yelmeŋɛ Naaŋmen—ona ka o die da be Gyɛruzɛlɛm na. 4 Neɛzaa naŋ be a zie ŋaŋ a e saana, zie zaa o naŋ be, vɛŋ ka o kpeɛreŋtaaba somoo a koo wari ane salema, bontaree ane dunni, a kyɛ lɛ yi ba menne poboɔbo poɔŋ a ko o bontaree ka o de te mɛ a yelmeŋɛ Naaŋmen die na, a die la da be Gyɛruzɛlɛm na.’”