Munpiilee

12 Ka Jehoova da yelko Aboram: “Yi teŋɛ na ho naŋ be na, yi ho dɔgreba zieŋ ane ho saa yiriŋ a gaa teŋɛ kaŋa maŋ na wuli bo. 2 N na vɛmeŋ ka ho leɛ paaloŋ kpoŋ, N na maale boŋ, a vɛŋ ka ho yuori do yaga zaa, bozuŋ N na ko boŋ maaloo naŋ e kpoŋ. 3 Neɛzaa naŋ korɔ bo maaloo N meŋ na ko la o soba maaloo, neɛzaa naŋ yele yelfaare dɔglɔ bo N meŋ na yelee yelfaare dɔgle o soba, a teŋɛzu noba zaa na nyɛɛ maaloo a tuuro ho eŋɛŋ.” 4 Azuŋ ka Aboram daaŋ yi o teŋɛ naŋ a gaa aŋa lɛ Jehoova naŋ da yelkoo na, Lɔt da poɔ la o eŋɛŋ. Aboram da taɛ yuomo 75 saŋa na oŋ da yi Heeran na.