Yeng Yelibie

7 Beŋ la maŋ da kaa noba naŋ ba baŋ yɛlɛ yaga nimiri te baare poɔŋ, a da nyɛ bipɔlee kaŋa naŋ be baapaalba poɔŋ naŋ ba teɛrɛ yɛlɛ gɛrɛ tɔɔre. 8 O da kyɛnɛɛ a sokpɛŋ zuŋ a peɛle zie na a pɔge die naŋ be, O da tu la sori naŋ gɛrɛ a pɔge die na a kyɛnɛ gɛrɛ be 9 Zimaanee saŋa, Saŋa na zie naŋ wa soɔ ka a zie lige na. 10 Beŋ la maŋ da nyɛ pɔge kaŋa naŋ tuoroo, A pɔge da su la boma aŋa gyɛnterɛ, a pɔge daaŋ teɛrɛɛ nyaammo yɛlɛ o sukyiriŋ. 11 O maŋ gɔnɔŋ yaga zaa a e koŋwoŋwuluu soba. O ba gana dieŋ. 12 Fẽẽ ka o be la yeŋeŋ, fẽẽ ka o be la a sobɛrɛ zuriŋ, O maŋ sɔglɛɛ loŋkoro zaaŋ. 13 O maŋ naare nyɔgɛɛ a dɔɔ mare o meŋɛ, a mogre o noɔre; O maŋ de la nyaa a yelko a dɔɔ ka: 14 “Aseŋ ka N iri maaroŋ sarekare. Zenɛ ŋa, N paalɛɛ N pɔrɔ. 15 Lɛ zuŋ maŋ yi wa tuore bo na, N bɔ boŋ lɛɛŋ a wa nyɛ bo! 16 N de la pɛmɛ naŋ veɛlɛ yaga zaa tɛ N godo zuŋ, A eɛ pɛmɛ naŋ veɛlɛ a yi Igyipiti paaloŋ. 17 N de la mɛɛ, aloe ane sinamon miremire N godo na zaa. 18 Azuŋ wa ka te bɔ taa yaga zaa a waana beguo saŋa; Wa ka te gaŋneŋ taa ka te enne mãã yaga zaa, 19 Bonso N serɛ ba kye yiriŋ; O gaa la sotɔɔre kaŋa. 20 O de la o libi wuoɔ gaaneŋ, O koŋ wa sɛre a te ta saŋa na a kyuu gbuli naŋ na sãã.” 21 A pɔge maŋ tu la mɔgloo yaga zaa eŋɛŋ kyɛ bɛnloo. O maŋ de la yelbi-noɔ̃ne a bɛnloo. 22 Azuŋ, a dɔɔ maŋ lonneŋ wieoŋ a tu o gaa, o maŋ tu oŋ gaa aŋa nadɛre ba naŋ nyɔge gɛrɛ ka ba te kɔre, Aŋa baŋ leŋ daŋbol a gɛrɛ ka ba te feɛ o, 23 A te ta saŋa na tampĩĩ naŋ kyɔge o sɔɔreeŋ; Aŋa nuulee naŋ zo te kpɛ kyɛbaa poɔ, o ba baŋ ka a na toɔ̃ vɛmeŋ ka o kɔŋ o nyɔvore. 24 Azuŋ, N bidɔbɔ, yɛ kyɛllɛ N yelyaga; Yɛ bɛge toorii a kyɛllɛ N yelbie ŋa. 25 Ta vɛŋ ka ho sukyiri gɛrɛ o sokyenee na poɔ. Kaara soŋ a ta wa tuuro o sokyenee na meŋ, 26 Bozuŋ a pɔge ŋa vɛŋɛɛŋ ka noba yaga kpi, Noba na oŋ ko na meŋ eɛ yaga. 27 O die eɛ kũũ Bogi sori; O die eɛ sori naŋ gɛrɛ kũũ dekiri meŋɛ poɔ.