Yieme
4 Oo N Naaŋmen naŋ e sontuuro, ka maaŋ wa koŋ boɔle bo, sage N boɔloo na. Yuo sori ko ma saŋa na maŋ wa be awonaa poɔŋ na. Soŋ ma a kyɛlle woŋ N puoro meŋ. 2 Yɛnee nensaaleba biiri, wala yɛŋ na leɛre N gyeremɛ gaaneŋ nyaaba poɔŋ kɔɔre seŋ? Wala yɛŋ na nɔŋ boma naŋ ba taa tɔnɔ, a boɔrɔ yɛlɛ naŋ e zirii kɔɔre seŋ? (Selah) 3 Baŋ ka Jehoova na wulee noba naŋ e yelmeŋɛ deme nɔmmo naŋ e o yoŋ; Jehoova na kyɛlle woŋeŋ saŋa na maŋ kono boɔloo na. 4 Ho suuri na baŋ ireŋ, kyɛ ta wa tonɔ faaloŋ. Maŋ yeli ho yɛlɛ ho sukyiri poɔŋ ho gado zuŋ, a kyɛ taŋ ho noɔre. (Selah) 5 Ire sontuubo sarekare, A kyɛ dɛle Jehoova. 6 Noba yaga yeleŋ ka: “Nembuoŋ na wuli te yɛlɛ naŋ soma?” Vɛŋ ka ho niŋe kyaanee na kyaane eŋ te, Oo Jehoova. 7 Ho paalɛɛ N sukyiri ne popeɛloŋ naŋ e kpoŋ A gaŋ noba na naŋ de ba wɛre bonbie yaga zaa ane waiŋ paalaa na. 8 N na gaŋeŋ a gbiri emmaaroŋ poɔŋ, Bonso Jehoova yoŋ la maŋ ko ma gomeŋɛ.