Eezira

25 “Kyɛ hooŋ Eezira, tu yɛŋ na Naaŋmen naŋ ko bo na eŋɛŋ a kaa iri gɔmenante gbɛbɔgi-ara ane sɛre-ŋmaareba ka ba dire a noba naŋ be a Baa Lombozaala na sɛrɛɛ, ane noba na zaa naŋ baŋ ho Naaŋmen bege na, moɔ kyɛ wuli neɛzaa naŋ ba baŋ a bege meŋ. 27 Jehoova te sããkommine Naaŋmen na nyɛ pugibu, onaŋ de eŋ a naa sukyiriŋ ka o maale Jehoova die naŋ be Gyɛruzɛlɛm na ka o veɛlɛ! 28 O wuli maŋ yelmeŋɛ nɔmmo a naa, o kawaŋ-terebɛ ane o nabiiri naŋ e neŋtegrɛ na nimitɔɔreŋ. Jehoova N Naaŋmen nu naŋ da be N eŋɛŋ na zuŋ, N da taa la nyaa. Azuŋ, N da kaa iree a Izerayɛl biiri naŋ da e neŋtegrɛ yi ba poɔŋ ka N ne ba na gaa be.