Aizeeya
15 Bonso ŋaaŋ ka a Soobu Kpeɛ̃o Zaa Daana Jehoova, Soba na naŋ e Forifori Izerayɛl poɔŋ na yeli: “Yɛ leɛ wa N zie a wa pɛnnɛ, lɛ la ka yɛ na nyɛ faabo; Yɛŋ na mãã yɛ menne a dɛle ma la na ko yɛ kpeɛ̃o.” Kyɛ yɛ da ba e siri ka yɛ e lɛ. 18 Kyɛ Jehoova di la kannyiri a kyɛnlɛ ka o soŋ yɛ, O na vaa iriŋ a zo yɛ nembaaloŋ. Bonso Jehoova eɛ dantorii Naaŋmen. Noba na zaa naŋ di kannyiri a kyɛnloo na taaɛ popeɛloŋ. 19 Beŋ la ka a noba na kpeɛrɛ Zaayɔŋ, Gyɛruzɛlɛm poɔŋ, ba koŋ lɛ koŋ zaa. Peɛlaaŋ o na wa soŋ boŋ saŋa na ho naŋ koŋ sɔroo ka o wa soŋ bo na; o na iree ho koŋ sɔroo na noɔre ko bo wieoŋ lɛ saŋa na oŋ wa woŋaa na. 20 Aneazaa ka Jehoova na ko boŋ dɔgɛɛ aŋa boroboro a ko bo wahala aŋa koɔ̃, kyɛ ho Wulwuli Kpoŋ na koŋ lɛ de o meŋɛ a sɔgle bo, ho na de la ho meŋɛ nimie a nyɛ ho Wulwuli Kpoŋ na. 21 Ho meŋɛ na woŋee yelbiri kaŋa naŋ yire ho puoreŋ a yele korɔ bo ka, “A sori la ŋa. Kyɛnɛ o zuŋ,” ka ho na gaa la duluŋ kyɛbee ka ho na gaa la gɔɔ.