Soribu

6 Ka Jehoova da gaa nimitɔɔre a yelko Moosis ka: 2 “Yelko a Izerayɛl biiri, a vɛŋ ka ba baŋ ka, ‘Ka dɔɔ bee pɔgeŋ wa pɔ pɔre naŋ e o yoŋ ka o zeŋ aŋa Naazɛrɛ neɛ a ko Jehoova, 3 aseŋ ka o tage o meŋɛ a yi waiŋ ane dããkpeɛne boorɔ zaa eŋɛŋ. A ba seŋ ka o nyu waiŋ kyɛbee dãã zaa naŋ na baŋ vɛŋ ka o bugi. A ba seŋ ka o di bonzaa ba naŋ de waiŋ teɛ tewɔmɔ maale neŋ, a ba seŋ ka o di waiŋ tewɔmɔ meŋ, ka a tewɔmɔ eɛ bonmaara kyɛbee bonkuoni. 4 A yi bebie na zaa oŋ na zeŋ aŋa Naazɛrɛ neɛ na, a ba seŋ ka o di bonzaa ba naŋ maale yi waiŋ teɛ eŋɛŋ, waiŋ tewɔmɔ naŋ ba bere ane a bonpɛgre. 5 “‘A yi bebie na zaa oŋ pɔ ka o zeŋ aŋa Naazɛrɛ neɛ na, a ba seŋ ka o puŋ o zukɔɔloŋ. Aseŋ ka o e forifori a bare o zukɔɔloŋ ka a e wogri, a bebe a te ta bebie na zaa oŋ de o meŋɛ ko Jehoova na naŋ na wa paale. 6 A yi bebie na zaa oŋ wɛle o meŋɛ biŋ ko Jehoova na, a ba seŋ ka o peɛle kũũ. 7 Haali ka o saa kyɛbee o ma, kyɛbee o yɔɔdɔɔ bee yɔɔpɔgeŋ kpi, a ba seŋ ka o dɛge o meŋɛ, bonso sieree naŋ wuli ka o eɛ Naazɛrɛ neɛ a ko o Naaŋmen na be la o zuŋ 8 “‘A yi bebie na zaa oŋ na zeŋ aŋa Naazɛrɛ neɛ na, o na eɛ forifori a ko Jehoova.