Luka

23 Beŋ la oŋ da gaa nimitɔɔre a yelko ba zaa ka: “Ka neɛzaaŋ boɔrɔ ka o wa tuuro ma, aseŋ ka o soba zagre o meŋɛ bare, a kyɛ de o dɔgɛɛ daa na a moɔ̃ niŋe tuuro ma bebiri zaa. 38 Nyɛ! dɔɔ kaŋa naŋ da be a nembeɛoŋ poɔ da de la kɔkɔkpeɛŋaa a yelka: “Wulwulo, sɔrebo la naŋ wa kaa N bidɔɔ ŋa, N bidɔɔ zaa la lɛ. 39 Nyɛ! sefaa kaŋa maŋ kpɛ oŋ a de o lɔɔ teŋɛŋ, oŋ piili ŋmeɛrɛ kpɛlle, a sefaa maŋ ŋmɛ oŋ lɔɔ teŋɛŋ ka o gbara yaga zaa ka o noɔre zaa te foorɔ neŋ nentaare, a maŋ eɛ kpeɛŋaa ko a sefaa ka o baroo, sɛre oŋ na baroo o maŋ perooŋ. 40 N sɔrɛɛ ho potuuribo na ka ba digoo bare, kyɛ ba ba toɔ̃ digoo bare.” 41 Beŋ la ka Yezu yelka: “Yɛnee noba naŋ ba taa sagediibu a kyɛ erɛ yel-tulimo, wala maŋ na kyɛnɛ dire kannyiri korɔ yɛ a kɔɔre seŋ? De a bidɔɔ waneŋ kyɛ.” 42 Kyɛ saŋa na oŋ da kyɛŋ ta zie na a bie naŋ be na, a sefaa da de o la lɔɔ teŋɛŋ, a da vɛŋ oŋ gbara yaga zaa. Kyɛ ka Yezu da tanne a sefaa a digoo oŋ yi a bidɔɔ eŋɛŋ, oŋ da leɛ de o ko o saa. 58 Kyɛ ka Yezu deɛ yelkoo ka: “Mɔbaare taaɛ bɔgre a naŋ maŋ kpɛ te gaŋ, ka sazu nuuli meŋ taa kyogri, kyɛ a Nensaalaa Bidɔɔ yɛŋ ba taa zie zaa oŋ na maŋ de o zu biŋ.”